M4 న్యూస్ (ప్రతినిధి), హైదరాబాద్: అక్టోబర్ 22
- మూసీ ప్రక్షాళనపై బీజేపీ నేతల నిర్లక్ష్యం
- బీజేపీ ధర్నాపై మంత్రి సీతక్క వ్యతిరేకత
- మూసీ పునరుజ్జీవన ప్రాజెక్టును సమర్థించాలని డిమాండ్
మూసీ ప్రక్షాళన విషయంలో బీజేపీ నేతలు సొంత ప్రజలకు ప్రయోజనం చేయకపోవడంపై మంత్రి సీతక్క ఆగ్రహం వ్యక్తం చేశారు. బీజేపీ నేతలు ప్రాజెక్టును అడ్డుకుంటూ, ధర్నాలు చేయడంపై సీతక్క తీవ్ర విమర్శలు చేశారు.
: తెలంగాణ రాష్ట్రంలో మూసీ నది పునరుజ్జీవన ప్రాజెక్టు కోసం కేంద్ర ప్రభుత్వం నిధులను కేటాయించకపోవడంపై మంత్రి సీతక్క బీజేపీ నేతలపై తీవ్ర ఆగ్రహం వ్యక్తం చేశారు. మూసీ నదికి నిధులు కేటాయించకపోయినా, బీజేపీ నేతలు ఇప్పుడు ధర్నా చేయడం అర్థరహితమని అన్నారు. ముఖ్యంగా కేంద్ర మంత్రి కిషన్ రెడ్డి తన సొంత నియోజకవర్గంలో ఉన్న మూసీ నదికి నిధులు తీసుకురాకపోయినప్పటికీ, రాష్ట్ర ప్రభుత్వంపై నిరసన వ్యక్తం చేయడం సబబు కాదని విమర్శించారు.
సీతక్క బీజేపీ నేతలను ఉద్దేశించి మాట్లాడుతూ, వారు గుజరాత్ లో సబర్మతి రివర్ ప్రాజెక్టును సమర్థిస్తూనే, హైదరాబాదులో మూసీ పునరుజ్జీవన ప్రాజెక్టును అడ్డుకోవడం తెలంగాణపై వివక్ష చూపడమేనని ఆరోపించారు. మూసీ ప్రాంత ప్రజల సంక్షేమం కోసం, రూ. 10 వేల కోట్ల నిధులను కేటాయించాలని డిమాండ్ చేశారు.
