- యుపిలో యోగి ప్రభుత్వం ఆటవిక పాలన
- బుల్డోజర్ వినియోగంపై సమాజ్‌వాది ఎంపి అవధేష్ ప్రసాద్ విమర్శలు
- మైనారిటీల ఆస్తుల ధ్వంసంపై ఆగ్రహం
అయోధ్య సమాజ్‌వాది పార్టీ ఎంపి అవధేష్ ప్రసాద్ యుపి సీఎం యోగి ఆదిత్యనాథ్‌ను బుల్డోజర్ల వినియోగం పై తీవ్రంగా విమర్శించారు. అక్టోబర్ 18న ముస్లిం నివాసాలను కూల్చివేయాలన్న నోటీసులపై స్పందిస్తూ, యోగి ప్రభుత్వం తన సొంత చట్టాలను అమలు చేస్తోందని మండిపడ్డారు. చట్టబద్ధంగా బుల్డోజర్ వినియోగం లేదు అని, ఇది ఆటవిక పాలన అని విమర్శించారు.
సమాజ్‌వాది పార్టీ అయోధ్య ఎంపి అవధేష్ ప్రసాద్ యోగి ఆదిత్యనాథ్ నేతృత్వంలోని యుపి ప్రభుత్వంపై తీవ్ర విమర్శలు గుప్పించారు. బుల్డోజర్ల వినియోగం చట్టబద్ధం కాదని, యోగి తన సొంత చట్టాలను అమలు చేస్తున్నారని ఆయన ధ్వజమెత్తారు. అవధేష్ ప్రసాద్ మాట్లాడుతూ, ముస్లిం నివాసాలను కూల్చివేయాలంటూ అక్టోబర్ 18న ఇచ్చిన నోటీసులపై ఆగ్రహం వ్యక్తం చేశారు.
“ఐపిసి, సిఆర్‌పిసి లేదా ఇండియన్ ఎవిడెన్స్ చట్టాల్లో ఎక్కడా బుల్డోజర్ వినియోగంపై నిబంధనలు లేవు. నేరం తీవ్రతను బట్టి చట్టం మరణశిక్షను అనుమతించవచ్చు, కానీ ఇళ్లను కూల్చివేయడం చట్టబద్ధం కాదు” అని అవధేష్ ప్రసాద్ పేర్కొన్నారు. యోగి ప్రభుత్వం మైనారిటీలు, దళితులపై ఆస్తులను ద్వంసం చేస్తోందని ఆయన మండిపడ్డారు.
అక్టోబర్ 13న బహ్రెయిచ్‌లో దుర్గ విగ్రహ నిమజ్జన సందర్భంగా ఇరువర్గాల మధ్య ఘర్షణల సందర్భంగా రాంగోపాల్ మిశ్రా హత్యకు గురయ్యారు. ఈ ఘటన తర్వాత అబ్దుల్ హమీద్ నివాసాన్ని అక్రమ కట్టడం పేరుతో కూల్చివేయాలని పబ్లిక్ వర్క్స్ డిపార్ట్‌మెంట్ ఆదేశాలు జారీ చేసింది.
