- కస్తూర్బా గాంధీ పాఠశాలలో విద్యార్థుల పట్ల మంత్రాలు, చేతబడి ఘటన.
- జన విజ్ఞాన వేదిక మూఢత్వాన్ని తీవ్రంగా ఖండించింది.
- విద్య వ్యవస్థలో శాస్త్రీయ దృక్పథం అవసరమని వేదిక సభ్యుల డిమాండ్.
నిజామాబాద్ జిల్లాలోని కస్తూర్బా గాంధీ బాలికల పాఠశాలలో విద్యార్థులపై మంత్రాలు, చేతబడి ఘటనను జన విజ్ఞాన వేదిక ఖండించింది. సిబ్బంది బంగారు గొలుసు పోయిందని విద్యార్థిని పై అనుమానం పెట్టి మంత్రగాడి దగ్గరికి తీసుకెళ్లిన ఘటనపై చర్యలు తీసుకోవాలని వేదిక డిమాండ్ చేసింది. ఈ సంఘటన విద్య వ్యవస్థలో శాస్త్రీయ దృక్పథం అభివృద్ధికి విరుద్ధమని పేర్కొంది.
నిజామాబాద్ జిల్లా మక్ల్లూరు మండలంలోని కస్తూర్బా గాంధీ బాలికల పాఠశాలలో విద్యార్థులపై మంత్రాలు, చేతబడి ఘటన చోటుచేసుకున్న నేపథ్యంలో జన విజ్ఞాన వేదిక ఆధ్వర్యంలో ఏర్పాటు చేసిన మీడియా సమావేశంలో ఈ చర్యలను తీవ్రంగా ఖండించారు. సిబ్బంది బంగారు గొలుసు పోయిందని అనుమానంతో విద్యార్థిని చేతబడి మంత్రగాడి దగ్గరికి తీసుకెళ్లిన ఘటనపై తీవ్ర ఆగ్రహం వ్యక్తం చేసింది.
వేదిక అధ్యక్షుడు కోయేడి నర్సింలు మాట్లాడుతూ, విద్య వ్యవస్థలో శాస్త్రీయ దృక్పథం పెంపొందించాల్సిన బాధ్యత ఉన్న చోట ఇలాంటి మూఢనమ్మకాలకు తావు కల్పించడం ఆందోళనకరమని అన్నారు. విద్యార్థులు భయాందోళనలకు గురవుతున్నారని, రాజ్యాంగ స్పూర్తికి, శాస్త్రీయతకు విరుద్ధంగా సంఘటనలు జరగడం నందు బాధ్యులపై కఠిన చర్యలు తీసుకోవాలని డిమాండ్ చేశారు.
జన విజ్ఞాన వేదిక జిల్లా సభ్యులు కట్టా నరేశ్ కుమార్ నాయక్ ఈ విషయంలో స్పందిస్తూ, విద్యార్థులకు శాంతియుత, భయరహిత వాతావరణం కల్పించేందుకు చర్యలు తీసుకోవాలని కోరారు. ఈ కార్యక్రమంలో వేదికకు చెందిన బోడ ప్రమోద్, వెంకట మల్లయ్య, శ్రీరామ్ తదితరులు పాల్గొన్నారు.
