హైదరాబాద్, 2026-06-05
తెలంగాణ రాష్ట్రంలో బుధవారం పలు జిల్లాల్లో ఉరుములు, మెరుపులు, ఈదురు గాలులతో కూడిన వర్షాలు కురిసే అవకాశం ఉందని వాతావరణ శాఖ హెచ్చరికలు జారీ చేసింది. ఇప్పటికే మంగళవారం రాష్ట్రంలోని అనేక ప్రాంతాల్లో వర్షాలు నమోదయ్యాయి.
రాష్ట్రంలో బుధవారం పలు జిల్లాల్లో ఉరుములు, మెరుపులు, ఈదురు గాలులతో కూడిన వర్షాలు కురిసే అవకాశం ఉందని వాతావరణ శాఖ సూచించింది. ఆదిలాబాద్, కుమురంభీం ఆసిఫాబాద్, మంచిర్యాల, నిర్మల్, నిజామాబాద్, జగిత్యాల, రాజన్న సిరిసిల్ల, కరీంనగర్, పెద్దపల్లి, జయశంకర్ భూపాలపల్లి, ములుగు జిల్లాలకు పసుపు రంగు హెచ్చరికలు జారీచేసింది.
తదుపరి రెండు రోజులు కూడా వర్షాలు
గురు, శుక్రవారాల్లోనూ రాష్ట్రంలో తేలికపాటి వర్షాలు కురుస్తాయని వాతావరణ శాఖ వెల్లడించింది. మరోవైపు మంగళవారం రాష్ట్రంలో పలుచోట్ల వర్షాలు నమోదయ్యాయి.
