చల్లని రాత్రుల్లో మానవత్వానికి వెచ్చదనం
– మే ఐ హెల్ప్ యు ఫౌండేషన్ సేవా కార్యక్రమం
మనోరంజని తెలుగు టైమ్స్ ప్రొద్దుటూరు , నవంబర్ 29
పెరుగుతున్న చలి కారణంగా రోడ్డుపై నివసించే నిరుపేదలు, భిక్షాటన చేసేవారికి వెచ్చదనం అందిస్తూ మే ఐ హెల్ప్ యు ఫౌండేషన్ మరోసారి మానవత్వానికి నిలువెత్తు ఉదాహరణగా నిలిచింది. చలిలో వణుకుతున్న బాధితులకు దుప్పట్లు పంపిణీ చేస్తూ ఫౌండేషన్ సేవా కార్యక్రమం హృదయాలను కదిలించింది. నగరంలోని దేవాలయాలు, దర్గాలు, రైల్వే స్టేషన్, రోడ్డుపక్క వీధులు తదితర ప్రాంతాల్లో ఈ కార్యక్రమాన్ని చేపట్టారు. ఈ సేవా కార్యక్రమం ఫౌండేషన్ ఛైర్మన్ మోరే లక్ష్మణరావు కుమార్తె శ్రీమతి మోరే హరిణి పేరుతో నిర్వహించబడింది. “చిన్న సహాయం కూడా పెద్ద మార్పు తెస్తుంది. చలి కారణంగా ఇబ్బంది పడుతున్న వారికి అందించిన ఈ దుప్పట్లు వారికి కొంత ఆత్మస్థైర్యం ఇచ్చాయి” అని ఛైర్మన్ లక్ష్మణరావు తెలిపారు. సేవా కార్యక్రమంలో సుబహన్, అహమ్మద్ హుస్సేన్, మునీంద్రా, సురేష్ తదితర వాలంటీర్లు పాల్గొన్నారు. “వెచ్చదనం మాత్రమే కాదు… ఆశ అనే వెలుగును కూడా అందించాం. ఓ చిరునవ్వు మా సేవకు పెద్ద ప్రతిఫలం” అని ఒక వాలంటీర్ భావోద్వేగంతో అన్నారు. చలిలో వణుకుతున్న వారికి దుప్పట్లు అందిస్తూ మే ఐ హెల్ప్ యు ఫౌండేషన్ మానవత్వపు విలువను మరోసారి చాటింది.
