- సంప్రదాయ వాయిద్యాలతో నృత్యాలు
- బందోబస్తును పర్యవేక్షించిన ఎస్సై లోకం సందీప్
- వివిధ గ్రామాల్లో అంగరంగ వైభవంగా శోభాయాత్ర
: నిర్మల్ జిల్లా తానూర్ మండలంలో వినాయక నిమజ్జన శోభాయాత్ర అంగరంగ వైభవంగా జరిగింది. సంప్రదాయ వాయిద్యాల నడుమ యువకులు నృత్యాలు చేస్తూ ఆకట్టుకున్నారు. గ్రామాల్లో ప్రతిష్టించిన వినాయకుని విగ్రహాలకు ప్రత్యేక పూజలు చేసి, శోభాయాత్ర నిర్వహించారు. ఎస్సై లోకం సందీప్ పర్యవేక్షణలో బందోబస్తు ఏర్పాటుచేసి, అన్ని ప్రాంతాల్లో నిమజ్జనం ప్రశాంతంగా ముగిసింది.
నిర్మల్ జిల్లా తానూర్ మండల కేంద్రం తో పాటు జవుల (బి), ఎల్వి, బెంబర్ గ్రామాల్లో వినాయక నిమజ్జన శోభాయాత్ర ఆదివారం అంగరంగ వైభవంగా సాగింది. గ్రామాల్లోని వివిధ గణేష్ మండలీల ఆధ్వర్యంలో 9 రోజుల పాటు వినాయకుడికి ప్రత్యేక పూజలు నిర్వహించాక, 9వ రోజు నిమజ్జన చేపట్టడం ఆనవాయితీగా వస్తుంది. సాంప్రదాయ వాయిద్యాల నడుమ యువకులు నృత్యాలు చేసి ప్రజల్ని ఆకట్టుకున్నారు.
ప్రత్యేకంగా అలంకరించిన వాహనాలపై వినాయకుడిని ప్రధాన వీధుల గుండా తిప్పుతూ నిమజ్జనం చేశారు. మహిళలు మంగళహారతులు, ప్రత్యేక పూజలతో వినాయకునికి వీడ్కోలు పలికారు. గ్రామాల అభివృద్ధి కమిటీలు, ఉత్సవ కమిటీలు బందోబస్తు ఏర్పాట్లు చేసి, శాంతి భద్రతల కోసం ప్రత్యేకంగా బందోబస్తు నిర్వహించారు. ఎస్సై లోకం సందీప్ ఈ బందోబస్తును పర్యవేక్షించారు.
ప్రాంతంలోని చెరువులు, పవిత్ర గోదావరి నదిలో వినాయకుడికి నిమజ్జనం నిర్వహించారు. ఈ సందర్భంగా గ్రామ పెద్దలు, ప్రజా ప్రతినిధులు, ఆలయ కమిటీ సభ్యులు తదితరులు పాల్గొన్నారు.
