- తెలంగాణలో వరద ప్రభావిత ప్రాంతాల పర్యటనకు కేంద్ర బృందం రేపు రానుంది.
- ఆరుగురు సభ్యులతో కూడిన బృందం ఖమ్మం, మహబూబాబాద్ జిల్లాల్లో పర్యటించనుంది.
- కేంద్ర మంత్రి శివరాజ్ సింగ్ ఇటీవల వరద ప్రభావిత ప్రాంతాలను పరిశీలించారు.
- కేంద్ర బొగ్గు, గనుల శాఖ మంత్రి కిషన్ రెడ్డి కేంద్ర బృందానికి వివరాలు ఇచ్చారు.
తెలంగాణలో వరద ప్రభావిత ప్రాంతాల పరిశీలన కోసం కేంద్ర బృందం సెప్టెంబర్ 11న రానుంది. ఈ బృందం ఖమ్మం, మహబూబాబాద్ జిల్లాల్లో పర్యటించి నష్టాన్ని అంచనా వేస్తుంది. కేంద్ర హోంశాఖ జాయింట్ సెక్రటరీ కల్నల్ కీర్తి ప్రతాప్ సింగ్ నేతృత్వంలోని ఆరుగురు సభ్యుల బృందం బాధితులతో, స్థానిక అధికారులతో చర్చిస్తుంది.
: తెలంగాణలో భారీ వర్షాలు, వరదల వల్ల పలు ప్రాంతాలు తీవ్రంగా నష్టపోయిన సంగతి తెలిసిందే. ఈ క్రమంలో, కేంద్ర ప్రభుత్వం నష్టాన్ని అంచనా వేయడానికి సెప్టెంబర్ 11న ఆరుగురు సభ్యులతో కూడిన ప్రత్యేక బృందాన్ని తెలంగాణకు పంపనుంది. ఈ బృందం నేషనల్ డిజాస్టర్ మేనేజ్‌మెంట్ అథారిటీ సలహాదారు మరియు కేంద్ర హోంశాఖ జాయింట్ సెక్రటరీ కల్నల్ కీర్తి ప్రతాప్ సింగ్ నేతృత్వంలో ఏర్పడింది.
బృందంలో ఆర్థిక శాఖ, వ్యవసాయ శాఖ, రోడ్లు, రహదారుల శాఖ, గ్రామీణాభివృద్ధి శాఖ, నేషనల్ రిమోట్ సెన్సింగ్ సెంటర్ విభాగాలకు చెందిన అధికారులు ఉంటారు. ఈ బృందం ఖమ్మం, మహబూబాబాద్ జిల్లాల్లో వరద ప్రభావిత ప్రాంతాలను సందర్శించి, బాధితుల సమస్యలు తెలుసుకుంటారు.
ఇదే సమయంలో, కేంద్ర బొగ్గు, గనుల శాఖ మంత్రి కిషన్ రెడ్డి, ఖమ్మంలో తన పర్యటనలో నోటీస్ తీసుకున్న బాధితుల సమస్యలను, క్షేత్రస్థాయి పరిస్థితులను ఫోన్లో మాట్లాడి కేంద్ర బృందానికి వివరించారు
