- పాఠశాల పక్కనే విద్యుత్ ట్రాన్స్ఫార్మర్
- విద్యార్థులు, ఉపాధ్యాయులు భయాందోళనలో
- సంబంధిత విద్యుత్ అధికారులు నిర్లక్ష్యం
- జిల్లా ఉన్నతాధికారుల జోక్యం అవసరం
తానూర్ మండలం దౌల్తాబాద్ మండల ప్రజా పరిషత్ పాఠశాల పక్కనే ఉన్న విద్యుత్ ట్రాన్స్ఫార్మర్ కారణంగా విద్యార్థులు, ఉపాధ్యాయులు తీవ్ర భయాందోళనలకు గురవుతున్నారు. ఈ సమస్యపై విద్యుత్ అధికారులకు ఫిర్యాదులు చేసినప్పటికీ, ఎలాంటి చర్యలు తీసుకోలేదని గ్రామస్తులు, ఉపాధ్యాయులు వాపోతున్నారు. పరిస్థితి ఇలాగే కొనసాగితే విద్యార్థులతో కలిసి ఆందోళన చేయాల్సి వస్తుందని గ్రామ ప్రజలు హెచ్చరిస్తున్నారు.
తానూర్ మండలం దౌల్తాబాద్ గ్రామంలోని మండల ప్రజా పరిషత్ పాఠశాల పక్కనే ఉన్న విద్యుత్ ట్రాన్స్ఫార్మర్ విద్యార్థులు, ఉపాధ్యాయులకు భయాందోళన కలిగిస్తోంది. ట్రాన్స్ఫార్మర్ నుండి ఒక్కోసారి మెరుపులు, శబ్దాలు వస్తుండటంతో పాఠశాలలో చదువు కొనసాగడం కష్టంగా మారింది. పాఠశాల విద్యార్థులు 36 మంది ఉండగా, తరగతులు ఒకటవ నుండి 5వ తరగతి వరకు సాగుతున్నాయి. ఉపాధ్యాయులు, గ్రామస్థులు విద్యుత్ అధికారులకు ఫిర్యాదు చేసినప్పటికీ, ఎలాంటి స్పందన లేదు. ఇప్పటికైనా జిల్లా ఉన్నతాధికారులు జోక్యం చేసుకుని, ట్రాన్స్ఫార్మర్‌ను మార్చాలని, లేకపోతే విద్యార్థులు, గ్రామ ప్రజలతో కలిసి ఆందోళన చేయాల్సి వస్తుందని హెచ్చరించారు.
