ధన్నూర్‌లో నూతన మీసేవ కేంద్రం: ఎమ్మెల్యే అనిల్ జాదవ్ ప్రారంభం

బోథ్ మండలంలోని ధన్నూర్ గ్రామంలో నూతనంగా ఏర్పాటు చేసిన మీసేవ కేంద్రాన్ని బోథ్ ఎమ్మెల్యే అనిల్ జాదవ్ మంగళవారం ప్రారంభించారు. గ్రామీణ ప్రజలు, రైతులకు ప్రభుత్వ సేవలను సులభంగా అందుబాటులోకి తీసుకురావడమే ఈ కేంద్రం ముఖ్య ఉద్దేశ్యమని ఆయన తెలిపారు.

బోథ్ మండలంలోని ధన్నూర్ గ్రామంలో నూతనంగా ఏర్పాటు చేసిన మీసేవ కేంద్రాన్ని బోథ్ ఎమ్మెల్యే అనిల్ జాదవ్ మంగళవారం ప్రారంభించారు.

ఈ సందర్భంగా ఎమ్మెల్యే మాట్లాడుతూ, గ్రామీణ ప్రజలు, రైతులకు ప్రభుత్వ సేవలను సులభంగా అందుబాటులోకి తీసుకురావడమే మీసేవ కేంద్రాల ఏర్పాటు ఉద్దేశమని తెలిపారు. ప్రజలు వివిధ ప్రభుత్వ సేవలను ఒకే చోట పొందేలా ఈ కేంద్రం ఉపయోగపడుతుందని అన్నారు.

ఈ కార్యక్రమంలో మండల నాయకులు, పార్టీ కార్యకర్తలు, గ్రామ పెద్దలు, గ్రామస్తులు పాల్గొన్నారు.