- పూరీ జగన్నాథ ఆలయంలో రత్న భాండాగారం నేడు తెరుచుకోనుంది
- 3 రోజుల పాటు సర్వే నిర్వహణ కోసం భక్తుల దర్శనాలకు ఆంక్షలు
- ఆలయంలో రహస్య గదులు లేదా సొరంగాల కోసం ఆర్కియాలాజికల్ సర్వే
పూరీ జగన్నాథ ఆలయంలోని రత్న భాండాగారం మరోసారి నేడు తెరుచుకోనుంది. ఆర్కియాలాజికల్ సర్వే ఆఫ్ ఇండియా (ఏఎన్ఐ) మూడు రోజుల పాటు సర్వే నిర్వహించనున్నారు. ఈ సర్వేలో భాగంగా, భక్తుల దర్శనాలపై మధ్యాహ్నం 1 నుంచి సాయంత్రం 6 వరకు ఆంక్షలు ఉంటాయి. రత్న భాండాగారం లో రహస్య గదులు లేదా సొరంగాల కోసం ఈ సర్వే ముఖ్యమైనది.
ఒడిశా, పూరీ: ప్రసిద్ధ పూరీ జగన్నాథ ఆలయంలో రత్న భాండాగారం మరోసారి తెరుచుకోనుంది. ఆలయంలోని రత్న భాండాగారాన్ని ఈ సంవత్సరం జూలై 14న తొలిసారి తెరిచి సర్వే చేసిన సంగతి పాఠకులకు తెలిసిందే. ఈరోజు, సర్వే రెండో విడత నిర్వహణ కోసం పూరీ జగన్నాథ ఆలయ అధికారులు భాండాగారాన్ని మళ్లీ తెరుచుకుంటున్నారు.
భారత పురావస్తు శాఖ (ఏఎన్ఐ) ఆధ్వర్యంలో మూడు రోజుల పాటు సర్వే జరుగుతుంది. ఈ సర్వేలో, ఆలయంలో ఉన్న నిధులను, రహస్య గదులు లేదా సొరంగాలను వెలికితీసే ప్రయత్నం చేస్తున్నారు. శనివారం నుంచి సోమవారం వరకు కొనసాగే ఈ సర్వే కారణంగా భక్తుల దర్శనాలపై ఆంక్షలు విధించారు. ప్రత్యేకంగా, మధ్యాహ్నం 1 నుంచి సాయంత్రం 6 వరకు దర్శనాలు నిలిపివేయనున్నారు.
రత్న భాండాగారంలో ఉన్న సంపదను గుర్తించడమే ఈ సర్వే ప్రధాన లక్ష్యం. భక్తులు ఈ సమయంలో సర్వేకి సహకరించాలని ఆలయ అధికారులు విజ్ఞప్తి చేశారు. ఆలయం ప్రధాన ద్వారాలను సర్వే సమయంలో మూసివేస్తారు. రత్న భాండాగారంలో రహస్య గదులు లేదా సొరంగాలు ఉన్నాయా అన్న ప్రశ్నకు ఈ సర్వే సమాధానాన్ని ఇస్తుందని రత్న భాండాగార కమిటీ చైర్మన్ జస్టిస్ బిశ్వనాథ్ రాథ తెలిపారు.
