- తెలంగాణ ఉద్యమం ప్రపంచ చరిత్రలో మహోన్నతమైందని పేర్కొన్న కోదండరాం.
- కేసీఆర్ నియంతృత్వ పాలనపై విమర్శలు.
- స్వేచ్ఛా వాతావరణంలో ప్రజలు సమస్యలను వినిపించే అవకాశం.
- గుమ్మడి నర్సయ్య వంటి నాయకులను ఆదర్శంగా తీసుకోవాలని పిలుపు.
నిర్మల్ : సెప్టెంబర్ 22
నిర్మల్ జిల్లా పెన్షనర్స్ భవన్‌లో నిర్వహించిన “ఉద్యమకారుల ఆత్మీయ సమ్మేళనం”లో ప్రొఫెసర్ కోదండరాం మాట్లాడుతూ, సకల వర్గాలు, ప్రజలు ఏకమై తెలంగాణ ఉద్యమం చేయడం వల్లే రాష్ట్రం సాధ్యమైందని అన్నారు. కేసీఆర్ నియంతృత్వ పాలన కొనసాగిస్తున్నారని విమర్శించారు. ఇప్పుడు రాష్ట్రంలో ప్రజలకు సమస్యలు వినిపించే స్వేచ్ఛా వాతావరణం ఉందని ఆయన అభిప్రాయపడ్డారు.
నిర్మల్, సెప్టెంబర్ 22: తెలంగాణ విద్యావంతుల వేదిక ఆధ్వర్యంలో నిర్మల్ జిల్లా పెన్షనర్స్ భవన్‌లో నిర్వహించిన “ఉద్యమకారుల ఆత్మీయ సమ్మేళనం”లో ముఖ్య అతిథిగా హాజరైన తెలంగాణ జన సమితి (టిజేఎస్) అధ్యక్షులు, ఎమ్మెల్సీ ప్రొఫెసర్ కోదండరాం, తెలంగాణ ఉద్యమం ప్రపంచ చరిత్రలో ప్రత్యేక స్థానం కలిగిన ఉద్యమమని అన్నారు. ఈ ఉద్యమం సకల వర్గాల ప్రజల ఏకత్వంతోనే విజయవంతమైందని, కానీ కేసీఆర్ దీన్ని తన ఒక్కరికే చెందిందని చిత్రీకరించడం వల్ల ప్రజల విశ్వాసం కోల్పోయారన్నారు.
ప్రస్తుతం రాష్ట్రంలో స్వేచ్ఛా వాతావరణం ఉందని, ప్రజలు పాలకులను సులభంగా కలిసి తమ సమస్యలను వినిపించే అవకాశం పొందుతున్నారని చెప్పారు. భారత రాజకీయాల్లో ఖర్పూరి ఠాగూర్ వంటి నాయకులను ఆదర్శంగా తీసుకోవాలని, తెలంగాణలో గుమ్మడి నర్సయ్య వంటి వారు ఆదర్శంగా ఉండాలని కోదండరాం పేర్కొన్నారు. టిజేఎస్ పార్టీని పైసలు లేని రాజకీయాల కోసమే స్థాపించామని, ప్రజల సంక్షేమం కోసం ఈ అవకాశాన్ని సద్వినియోగం చేసుకోవాలని పిలుపునిచ్చారు.
ఈ కార్యక్రమం ముగింపులో పలు సమస్యలపై విజ్ఞాపన పత్రాలు అందజేశారు. వాటిని పరిషీలించి, సంబంధిత అధికారులకు సిఫార్సు చేసి సమస్యలను పరిష్కరించేందుకు కృషి చేస్తానని ప్రొఫెసర్ కోదండరాం హామీ ఇచ్చారు.
