జాబిర్ అహ్మద్ కు ఎమ్మెల్యే పవార్ రామరావ్ పటేల్ హెచ్చరిక: 'స్థాయి తెలుసుకుని మాట్లాడు'

15 సంవత్సరాలుగా బైంసా మున్సిపల్ చైర్మన్‌గా పనిచేసి ప్రజలకు చేసిందేమీ లేదని, ప్రజా క్షేత్రంలో ఓడిపోయిన జాబిర్ అహ్మద్ మతిభ్రమించి మాట్లాడుతున్నారని ఎమ్మెల్యే పవార్ రామరావ్ పటేల్ ఆరోపించారు. ఇలాంటి అబద్ధపు మాటలను ప్రజలు నమ్మరని, ముందుగా నీ స్థాయి ఏంటో తెలుసుకొని మాట్లాడాలని ఆయన హితవు పలికారు.

కోఆప్షన్ ఎన్నికల్లో బిజెపి కౌన్సిలర్‌ను తప్పుదోవ పట్టించి గెలవాలని చూడటం జాబిర్ అహ్మద్ రాజనీతికి నిదర్శనమని ఎమ్మెల్యే ప్రశ్నించారు. తనపై చేసిన ఆరోపణలు రుజువు చేస్తే దేనికైనా సిద్ధమని ఆయన సవాలు విసిరారు.

రాక్షస పాలనను అంతమొందించడానికి మున్సిపల్ ఎన్నికల్లో జాబిర్ అహ్మద్‌ను చిత్తు చేయడం జరిగిందని, ఆయన మాయ మాటలకు, గారడి మాటలకు కాలం చెల్లిందని ఎమ్మెల్యే వ్యాఖ్యానించారు. తాను ఎమ్మెల్యేనని, నియోజకవర్గ ప్రజా ప్రతినిధినని, జాబిర్ అహ్మద్ తన స్థాయిని తెలుసుకుని మాట్లాడితే బాగుంటుందని ఆయన పేర్కొన్నారు.

ప్రజా బలమున్న నాయకుడినని, అనవసరపు మాటలు మాట్లాడితే తగిన రీతిలో బుద్ధి చెబుతామని ఎమ్మెల్యే పవార్ రామరావ్ పటేల్ స్పష్టం చేశారు. జాబిర్ అహ్మద్‌పై ఆయన చేసిన వ్యాఖ్యలు రాజకీయ వర్గాల్లో చర్చనీయాంశంగా మారాయి.