ఆగస్టు 10న జైల్ భరో: ఉపాధి హామీ చట్టం పరిరక్షణకు కార్మిక సంఘం పిలుపు

క్విట్ ఇండియా ఉద్యమ స్ఫూర్తితో ఆగస్టు 10న జైల్ భరో కార్యక్రమాన్ని విజయవంతం చేయాలని తెలంగాణ వ్యవసాయ కార్మిక సంఘం పిలుపునిచ్చింది. మహాత్మా గాంధీ జాతీయ గ్రామీణ ఉపాధి గ్యారెంటీ చట్టాన్ని పరిరక్షించాలని, కూలీలకు మెరుగైన వేతనాలు, పనిదినాలు కల్పించాలని డిమాండ్ చేస్తూ ఈ కార్యక్రమాన్ని నిర్వహిస్తున్నారు.

క్విట్ ఇండియా ఉద్యమ స్ఫూర్తితో ఆగస్టు 10న జరిగే జైల్ భరో కార్యక్రమాన్ని విజయవంతం చేయాలని తెలంగాణ వ్యవసాయ కార్మిక సంఘం పిలుపునిచ్చింది. ఈ నేపథ్యంలో కరపత్రాలను విడుదల చేశారు. శ్రామిక వర్గాలు, కార్మికులు, వ్యవసాయ కూలీలు పెద్ద ఎత్తున ఈ కార్యక్రమంలో పాల్గొనాలని సంఘం కోరింది.

ఉపాధి హామీ కూలీలకు 200 రోజులు పని కల్పించాలని, రోజువారి వేతనం 800 రూపాయలు చెల్లించాలని సంఘం డిమాండ్ చేసింది. మహాత్మ గాంధీ జాతీయ ఉపాధి హామీ పథకాన్ని కొనసాగించాలని, 'వి బి జి రాంజీ' చట్టాన్ని రద్దు చేయాలని కోరింది. ఖానాపూర్ మండల కేంద్రంలో ఈ కార్యక్రమం కోసం కరపత్రాలను విడుదల చేశారు.

వచ్చే నెల 10వ తేదీన కలెక్టర్ కార్యాలయం వద్ద జైల్ భరో కార్యక్రమాన్ని విజయవంతం చేయాలని వ్యవసాయ కార్మిక సంఘం ఆధ్వర్యంలో పిలుపునివ్వడం జరుగుతుందని తెలిపారు. కేంద్రంలో యూపీఏ కాంగ్రెస్ ప్రభుత్వం 2005లో వామపక్షాల పోరాట ఫలితంగా 'మహాత్మా గాంధీ జాతీయ గ్రామీణ ఉపాధి గ్యారెంటీ చట్టం' అమలు చేసిందని గుర్తు చేశారు.

ప్రస్తుతం అధికారంలో ఉన్న బిజెపి ప్రభుత్వం మహాత్మా గాంధీ పేరును తొలగించి, దీని స్థానంలో 'వికసిత్ భారత్ గ్రామ్, జీ' (వి బి జి, రామ్ జీ)గా మార్పు చేసిందని విమర్శించారు. రాష్ట్రాల వాటా 10 శాతం నుంచి 40 శాతం నిధులను భరించాలని రాష్ట్రాలపై భారం రుద్దాలని చూస్తోందని ఆరోపించారు. ఈ నేపథ్యంలో మహాత్మా గాంధీ జాతీయ ఉపాధి హామీ పనిని ఎత్తివేయాలని కేంద్రం కుట్రలు చేస్తోందని పేర్కొన్నారు.

ఈ కుట్రలను తిప్పికొట్టడానికి వచ్చే నెల ఆగస్టు 10వ తేదీన సోమవారం రోజున జిల్లా కలెక్టర్ కార్యాలయం ముందు తలపెట్టిన జైల్ భరో కార్యక్రమానికి పెద్ద ఎత్తున వ్యవసాయ కూలీలు, ఉపాధి హామీ కూలీలు, రైతులు, కార్మికులు పాల్గొని కార్యక్రమాన్ని విజయవంతం చేయాలని తెలంగాణ వ్యవసాయ కార్మిక సంఘం పిలుపునిచ్చింది.

ఈ కార్యక్రమంలో తెలంగాణ వ్యవసాయ కార్మిక సంఘం జిల్లా అధ్యక్షులు డాకూర్ తిరుపతి, ఖానాపూర్ మండలం అధ్యక్షులు పానగంటి నరేష్ కుమార్, కార్యదర్శి సుంచుల నారాయణ, జిల్లా ఉపాధ్యక్షులు, ఖానాపూర్ మండలం ఉపాధ్యక్షులు నాగుల నర్సాగౌడ్, ఖానాపూర్ పట్టణ అధ్యక్షులు చింతలపల్లి శంకర్, కార్యదర్శి ఎం డి రియాసత్, షేక్ గఫర్, జిల్లా అధ్యక్షులు డాకూర్ తిరుపతి పాల్గొన్నారు.