అదిలాబాద్ జిల్లా పర్యటనలో భాగంగా నిర్మల్ జిల్లా కేంద్రానికి విచ్చేసిన తెలంగాణ ప్రభుత్వ సలహాదారు షబ్బీర్ ఆలీ, టిఎంఆర్ఈఐఎస్ వైస్ చైర్మన్ ఫహీం ఖురేషికి గంజాల్ టోల్ ప్లాజా వద్ద స్థానిక ప్రజా ప్రతినిధులు, నాయకులు, కార్యకర్తలు, అధికారులు ఘన స్వాగతం పలికారు.
నిర్మల్ మున్సిపల్ వైస్ చైర్మన్ అప్పాల గణేష్ చక్రవర్తి, నిర్మల్ జిల్లా గ్రంథాలయ చైర్మన్ అర్జుమంద్ అలీ, ఇతర నాయకులు అతిథులకు పూలమాలలు, శాలువాలతో సత్కరించి ఆహ్వానించారు. ఈ సందర్భంగా పెద్ద సంఖ్యలో పార్టీ నాయకులు, కార్యకర్తలు, అధికారులు తరలివచ్చారు.
ఈ సందర్భంగా ప్రభుత్వ సలహాదారు షబ్బీర్ ఆలీ మాట్లాడుతూ, రాష్ట్ర ప్రభుత్వం అన్ని వర్గాల ప్రజలకు సంక్షేమ, అభివృద్ధి కార్యక్రమాలను అందిస్తోందని తెలిపారు. టిఎంఆర్ఈఐఎస్ వైస్ చైర్మన్ ఫహీం ఖురేషి మాట్లాడుతూ, మైనార్టీ సంక్షేమ గురుకుల విద్యా సంస్థల అభివృద్ధికి ప్రభుత్వం కట్టుబడి ఉందని, విద్యార్థుల భవిష్యత్తుకు అన్ని విధాలా అండగా ఉంటామని హామీ ఇచ్చారు.
అతిథుల రాకతో స్వాగత కార్యక్రమంలో ఉత్సాహభరిత వాతావరణం నెలకొందని స్థానిక నాయకులు తెలిపారు. ఈ పర్యటన జిల్లా అభివృద్ధికి దోహదపడుతుందని ఆశాభావం వ్యక్తం చేశారు.
