శాంతినికేతన్ ఉన్నత పాఠశాల పదో తరగతి పరీక్షల్లో అద్భుత విజయం

ప్రభుత్వం ప్రకటించిన పదవ తరగతి పరీక్షా ఫలితాలలో శాంతినికేతన్ ఉన్నత పాఠశాల మొత్తం 36 మంది విద్యార్థులతో పరీక్షలకు హాజరై, అందరూ ఉత్తీర్ణత సాధించడం గమనార్హం. ఈ ఘనత పాఠశాల యాజమాన్యం, ఉపాధ్యాయులు, విద్యార్థులకు ఆనందాన్ని కలిగించింది.

విద్యార్థుల ప్రతిభ ప్రదర్శనలో బాల వర్ష త 569 మార్కులతో మండలంలో రెండవ స్థానాన్ని దక్కించుకుంది. అదేవిధంగా, గడ్డం లావణ్య 555 మార్కులతో, పి కిరణ్ రెడ్డి 542 మార్కులతో తమ ప్రతిభను చాటుకున్నారు. ఈ విద్యార్థులు మండల స్థాయిలో మంచి ర్యాంకులను సాధించడం విశేషం.

పాఠశాల నుండి మొత్తం 21 మంది విద్యార్థులు 500 మార్కులకు పైగా సాధించి, తమ అకడమిక్ సామర్థ్యాన్ని నిరూపించుకున్నారు. ఈ అద్భుత ఫలితాల నేపథ్యంలో, పాఠశాల ప్రిన్సిపాల్ సిస్టర్ లిమా మేరీ అత్యధిక మార్కులు సాధించిన విద్యార్థులను ప్రత్యేకంగా అభినందించారు. వారి భవిష్యత్ ప్రయత్నాలలో విజయం సాధించాలని ఆకాంక్షించారు.

ఈ కార్యక్రమంలో పాఠశాల ఉపాధ్యాయులు బిష్మారెడ్డి, సత్యనారాయణ, శ్రీను, కిషన్, శేఖర్, జాన్ పీటర్, సిస్టర్ రాణి, దుర్గతో పాటు ఇతర సిబ్బంది పాల్గొన్నారు. విద్యార్థుల విద్యాభివృద్ధికి వీరంతా ఎంతో కృషి చేశారని పాఠశాల యాజమాన్యం తెలిపింది.