దేశ ప్రజల సమస్యలపై పోరాడుతున్న కాంగ్రెస్ అగ్రనేత రాహుల్ గాంధీకి నిర్మల్లో జన్మదిన వేడుకలు ఘనంగా జరిగాయి. ఈ సందర్భంగా నాయకులు ఆయనను యువతకు స్ఫూర్తిగా అభివర్ణించారు.
కాంగ్రెస్ పార్టీ లోక్సభ ప్రతిపక్ష నాయకుడు రాహుల్ గాంధీ పుట్టినరోజు సందర్భంగా జిల్లా కేంద్రంలో కాంగ్రెస్ పార్టీ ఆధ్వర్యంలో వేడుకలు నిర్వహించారు. నియోజకవర్గ ఇన్చార్జి కూచాడి శ్రీహరి రావు నివాసంలో పార్టీ కార్యకర్తలు, శ్రేణులు పెద్ద ఎత్తున హాజరై కేక్ కట్ చేసి శుభాకాంక్షలు తెలిపారు.
ఈ సందర్భంగా డీసీసీ జిల్లా ప్రధాన కార్యదర్శి గాజుల రవికుమార్, మున్సిపల్ కోఆప్షన్ సభ్యులు కొట్టే శేఖర్, టిపిసిసి మైనారిటీ నాయకులు అజార్ లు మాట్లాడుతూ, రాహుల్ గాంధీ ప్రజాస్వామ్య విలువలు, రాజ్యాంగ పరిరక్షణ, సామాజిక న్యాయం కోసం నిరంతరం పాటుపడుతున్నారని తెలిపారు.
దేశ ప్రజల సమస్యలపై ఆయన రాజీలేని పోరాటం యువతకు ఎంతో స్ఫూర్తిదాయకమని నాయకులు పేర్కొన్నారు. దేశ భవిష్యత్తు బలోపేతం కావడానికి, అభివృద్ధి పథంలో నడవడానికి రాహుల్ గాంధీ వంటి నాయకత్వం అత్యవసరమని వారు అభిప్రాయపడ్డారు.
ఈ కార్యక్రమంలో జిల్లా కార్యదర్శి జిశాన్ అలీ, మాజీ మున్సిపల్ కౌన్సిలర్ అయ్యన్న గారి పోశెట్టి, దేవరకోట ఆలయ చైర్మన్ ఆమెడా శ్రీనివాస్, మామడ మండల పార్టీ అధ్యక్షులు భుజంగా శ్రీనివాస్ రెడ్డి, పోత రెడ్డి, రఫిక్, మొయినుద్దీన్, అంబాజీ, ఆరే చిరంజీవి, సందీప్ గంగాధర్, నర్సారెడ్డి, సామావికాస్ వంటి పలువురు నాయకులు, కార్యకర్తలు పాల్గొన్నారు.
