నిర్మల్ జిల్లాలో ప్రత్యేక అవసరాలు గల పిల్లలకు ఉపకరణాల పంపిణీ కార్యక్రమం మంగళవారం ఎన్టీఆర్ మినీ స్టేడియంలో జరిగింది. జిల్లా విద్యాశాఖ, సమగ్ర శిక్షా నిర్మల్ ఆధ్వర్యంలో ఈ శిబిరం నిర్వహించబడింది.
జిల్లా విద్యాశాఖ అధికారి దర్శనం భోజన్న తెలిపిన వివరాల ప్రకారం, ఏ ఎల్ ఐ ఎం సి ఓ సహకారంతో ఈ ఉచిత సహాయ ఉపకరణాల పంపిణీ శిబిరం ఏర్పాటు చేయబడింది.
ప్రత్యేక విద్యా వారోత్సవాలలో భాగంగా నిర్వహించిన ఈ కార్యక్రమంలో, గతంలో గుర్తించిన దివ్యాంగ విద్యార్థులకు వారి అవసరాలకు అనుగుణంగా ట్రై సైకిల్, వీల్ చైర్, సీపీ చైర్, హియరింగ్ ఎయిడ్, బ్రెయిలీ కిట్, బ్రెయిలీ స్లేట్, కేన్, క్రచెస్, టీ ఎల్ ఎం కిట్ వంటి ఉపకరణాలు పంపిణీ చేయబడ్డాయి.
ఈ కార్యక్రమానికి ప్రత్యేక ఉపాధ్యాయులు, ఐఈఆర్పీలు విద్యార్థులకు, వారి తల్లిదండ్రులకు సమాచారాన్ని అందించి, పెద్ద సంఖ్యలో పాల్గొనేలా ప్రోత్సహించారు.
