నిర్మల్ జిల్లా సారంగాపూర్ మండలంలో వరి కొనుగోలు కేంద్రాలను శనివారం ప్రారంభించారు. రైతులు తమ ధాన్యాన్ని ప్రభుత్వ నిర్దేశిత ధరలకు విక్రయించుకోవాలని అధికారులు సూచించారు.
మండలంలోని వైకుంఠపూర్, తాండ్ర (జి) గ్రామాలలో ఏఎంసి చైర్మన్ అబ్ధుల్ హాది, గ్రామ సర్పంచులు జంగం ఆనంద్, వెన్నెల నర్సయ్య ల సమక్షంలో కొనుగోలు కేంద్రాలను ప్రారంభించారు. ఈ సందర్భంగా చైర్మన్ మాట్లాడుతూ, రైతులు పండించిన ధాన్యాన్ని ప్రభుత్వ కొనుగోలు కేంద్రాల్లోనే విక్రయించాలని కోరారు.
గ్రేడ్-ఏ (సన్న రకం) వడ్లకు క్వింటాలుకు రూ. 2,389 తో పాటు రూ. 500 బోనస్, మొత్తం రూ. 2,889 వరకు లభిస్తుందని, సాధారణ రకం వడ్లకు క్వింటాలుకు రూ. 2,350/- ధర ఉంటుందని తెలిపారు. రైతులు ఈ ధరలను సద్వినియోగం చేసుకోవాలని సూచించారు.
ఈ కార్యక్రమంలో మార్కెట్ డైరెక్టర్ ప్రశాంత్, నాయకులు మధుకర్ భూమారెడ్డి, సూర్యం, దయానంద్, సురేందర్, భూమేష్, ఐకెపి ఏపీఎం మాధురి, మహిళా సంఘం సభ్యులు, రైతులు పాల్గొన్నారు. కొనుగోలు ప్రక్రియను పారదర్శకంగా నిర్వహించాలని అధికారులకు సూచనలు అందాయి.
రైతుల నుండి ధాన్యం కొనుగోలు ప్రక్రియను పర్యవేక్షించడానికి ప్రత్యేక బృందాలు ఏర్పాటు చేసినట్లు తెలుస్తోంది. రైతులకు ఎలాంటి ఇబ్బందులు కలగకుండా చూసుకోవాలని ఆదేశాలు జారీ అయ్యాయి.
