జిల్లా కలెక్టర్ అభిలాష అభినవ్ ఆదేశాల మేరకు, నిర్మల్ జిల్లాలో 99 రోజుల ప్రత్యేక ప్రణాళికలో భాగంగా అధికారులు తెల్లవారుజాము నుంచే క్షేత్రస్థాయిలో తనిఖీలు చేపట్టారు. పారిశుధ్యం, ప్రభుత్వ కార్యాలయాలు, ఆసుపత్రులు, విద్యా సంస్థల నిర్వహణపై దృష్టి సారించారు.
ఉదయం 6 గంటల నుంచే ప్రారంభమైన ఈ తనిఖీల్లో, అధికారులు గ్రామ, పట్టణ ప్రాంతాల్లో పరిశుభ్రత కార్యక్రమాల అమలు తీరును సమీక్షించారు. ప్రభుత్వ కార్యాలయాలు, ఆసుపత్రులు, విద్యా సంస్థల పరిసరాలను పరిశుభ్రంగా ఉంచడం ద్వారా ప్రజలకు మెరుగైన వాతావరణాన్ని కల్పించాలని సూచించారు.
విధుల్లో నిర్లక్ష్యం వహించే సిబ్బందిపై కఠిన చర్యలు తప్పవని అధికారులు హెచ్చరించారు. ప్రభుత్వ కార్యక్రమాలు సమర్థవంతంగా అమలు అయ్యేలా క్షేత్రస్థాయి పర్యవేక్షణను మరింత పెంచాలని తెలిపారు. ప్రజల భాగస్వామ్యంతో అభివృద్ధిని సాధించాలనే లక్ష్యంతో ఈ తనిఖీలు నిర్వహిస్తున్నట్లు పేర్కొన్నారు.
ఈ తనిఖీల్లో జిల్లా అదనపు కలెక్టర్ (రెవెన్యూ) కిషోర్ కుమార్, పంచాయతీ అధికారి శ్రీనివాస్ తో పాటు పలువురు అధికారులు పాల్గొన్నారు. క్షేత్రస్థాయిలో చేపట్టిన పనుల పురోగతిని అధికారులు పరిశీలించారు.
