ఎమ్మెల్యేలు కేంద్ర మంత్రిని కలిసి రహదారి విస్తరణ, భద్రతపై వినతి

ఎంపీ నగేష్, ఆదిలాబాద్ ఎమ్మెల్యే పాయల శంకర్ లతో కలిసి ఢిల్లీలో కేంద్ర మంత్రిని కలిసిన ఎమ్మెల్యే పవార్, అభివృద్ధి పనులకు నిధులు మంజూరు చేయాలని కోరారు. బాసర నుండి భైంసా వరకు ఉన్న రహదారిపై ప్రమాదాలు ఎక్కువగా జరుగుతున్నాయని, వాటిని నివారించడానికి నాలుగు లైన్ల మార్గాన్ని ఏర్పాటు చేయాలని సూచించారు.

గోదావరి నదిపై ఉన్న బాసర వంతెన వద్ద కూడా ప్రమాదాలు జరగకుండా తగిన రక్షణ కంచెలను ఏర్పాటు చేయాలని ఎమ్మెల్యే కేంద్ర మంత్రికి విన్నవించారు. ఈ పనులకు అవసరమైన నిధులను మంజూరు చేయాలని కోరారు.

బాసర నుండి మహూర్ వరకు జాతీయ రహదారి అనుసంధానంపై కేంద్ర మంత్రిని అడగగా, సంబంధిత ఫైల్ ప్రధానమంత్రి నరేంద్ర మోదీ వద్ద ఉందని, త్వరలోనే నిధులు మంజూరు అవుతాయని కేంద్ర మంత్రి తెలిపినట్లు ఎమ్మెల్యే పవార్ రామరావ్ పటేల్ తెలిపారు. ఇతర రహదారుల అభివృద్ధికి కూడా నిధులు కోరినట్లు, అందుకు కేంద్ర మంత్రి హామీ ఇచ్చినట్లు ఆయన పేర్కొన్నారు.