'మే ఐ హెల్ప్ యు' ఫౌండేషన్ మరోసారి తన మానవతా సేవను చాటుకుంది. జమ్మలమడుగులో బంధువులు లేని వృద్ధురాలి అంత్యక్రియలను హిందూ సంప్రదాయం ప్రకారం నిర్వహించింది.
జమ్మలమడుగులోని మోర గుడి పరిసరాల్లో నివసిస్తున్న వృద్ధురాలు వంకం వెంకటమ్మ అనారోగ్యంతో మృతి చెందారు. ఆమెకు బంధువులు ఎవరూ లేకపోవడంతో అంత్యక్రియలు నిర్వహించడం కష్టంగా మారింది. ఈ విషయం తెలుసుకున్న స్థానికులు 'మే ఐ హెల్ప్ యు' ఫౌండేషన్ టౌన్ ప్రెసిడెంట్ అహమ్మద్ హుస్సేన్ను సంప్రదించారు.
వెంటనే స్పందించిన ఫౌండేషన్ అధ్యక్షుడు అహమ్మద్ హుస్సేన్, సభ్యులతో కలిసి వృద్ధురాలి అంత్యక్రియలను చేపట్టారు. హిందూ స్మశానవాటికలో హిందూ సంప్రదాయాల ప్రకారం అంతిమ సంస్కారాలను ఘనంగా నిర్వహించారు. ఈ కార్యక్రమంలో ఫౌండేషన్ చైర్మన్ మోరే లక్ష్మణ్ రావు, ఇతర సభ్యులు పాల్గొన్నారు.
ఫౌండేషన్ చేపట్టిన ఈ సేవా కార్యక్రమం స్థానికుల మన్ననలను పొందింది. సమాజంలో ఇలాంటి సేవలు ఆదర్శంగా నిలుస్తాయని పలువురు అభిప్రాయపడ్డారు. మానవత్వానికి ఇది నిలువెత్తు నిదర్శనమని ప్రశంసించారు.
శ్రీ అమ్మ శరణాలయంలోని వృద్ధులకు సహాయం చేయదలచిన దాతలు, ఫౌండేషన్ సేవా కార్యక్రమాలకు మద్దతు ఇవ్వాలనుకునేవారు 82972 53484, 9182244150 నంబర్లలో సంప్రదించవచ్చని నిర్వాహకులు తెలిపారు.
