ఖానాపూర్, జూలై 21
ఖానాపూర్ పట్టణంలో నిలిచిపోయిన ప్రధాన రహదారి డ్రైనేజీ, సెంట్రల్ లైటింగ్ పనులను పునఃప్రారంభించాలని కోరుతూ మున్సిపల్ చైర్మన్ అంకం మౌనిక మహేందర్, కౌన్సిలర్లు నిర్మల్ జిల్లా కలెక్టర్ భవేష్ మిశ్రాకు మంగళవారం వినతి పత్రాన్ని అందజేశారు. గత కొన్నేళ్లుగా ఈ పనులు కోర్టు స్టే కారణంగా నిలిచిపోయాయని, దీనివల్ల ట్రాఫిక్ సమస్యలు, ప్రమాదాలు పెరుగుతున్నాయని తెలిపారు.
ఖానాపూర్ పట్టణంలో ప్రధాన రహదారి డ్రైనేజీ, సెంట్రల్ లైటింగ్ పనులను పునఃప్రారంభం చేయాలని కోరుతూ నిర్మల్ జిల్లా కలెక్టర్ భవేష్ మిశ్రాకు మంగళవారం ఓ వినతి పత్రాన్ని అందజేశారు. ఖానాపూర్ మున్సిపల్ చైర్మన్ అంకం మౌనిక మహేందర్, కౌన్సిలర్లు ఈ వినతిని సమర్పించారు.
ఈ సందర్భంగా వారు మాట్లాడుతూ, గత కొన్ని సంవత్సరాల కిందట ప్రారంభమైన ఈ పనులు, కొందరు ఇంటి యజమానులు కోర్టు నుండి స్టే తెచ్చుకోవడంతో నిలిచిపోయాయని తెలిపారు. దీనివల్ల రోడ్డు విస్తరణ, సెంట్రల్ లైటింగ్, డ్రైనేజీ పనులు వెనుకబడి, ఇప్పటికీ పూర్తి కాలేదని పేర్కొన్నారు. పట్టణంలో వాహనాల రవాణా పెరిగిపోయి ట్రాఫిక్ సమస్యలు ఏర్పడుతున్నాయని, వాహనదారులు, ప్రజలు రోడ్డు ప్రమాదాలకు గురై ఇబ్బందులు పడుతున్నారని వివరించారు. సంబంధిత అధికారులు కాంట్రాక్టర్తో మాట్లాడి పనులను పునఃప్రారంభించేలా చర్యలు తీసుకోవాలని కోరారు.
అలాగే, బస్టాండ్ నుండి శ్రీరామ్ నగర్ గోదావరి నది తీరం వరకు నూతన రోడ్డు మంజూరు చేయాలని విజ్ఞప్తి చేశారు. ప్రస్తుతం ఉన్న రోడ్డు ఇరుకుగా ఉండటంతో, ప్రతి వారం గోదావరి నది తీరంలో జరిగే పండుగలు, పుణ్య స్నానాలకు వచ్చే భక్తులకు, మరణించిన వారి అంత్యక్రియలకు వచ్చేవారికి ఇబ్బందులు ఎదురవుతున్నాయని తెలిపారు. ఏదైనా అగ్ని ప్రమాదం లేదా ఇతర ప్రమాదాలు జరిగితే, అంబులెన్స్, ఫైరింజన్ వంటివి ఇరుకైన రోడ్ల వల్ల కాలనీల్లోకి రాలేకపోతున్నాయని ఆవేదన వ్యక్తం చేశారు. బస్టాండ్ వద్ద ఉన్న సదర్మాట్ కెనాల్ పైనుండి నూతన బ్రిడ్జి మంజూరు చేయించి, గోదావరి నది తీరం వరకు రోడ్డు వేయించాలని కోరారు. శ్రీరామ్ నగర్ కాలనీకి చెందిన రైతులు తమ పంట పొలాల నుంచి రోడ్డు వేయడానికి స్థలాలను కేటాయించడానికి సిద్ధంగా ఉన్నారని తెలిపారు.
ఈ కార్యక్రమంలో కౌన్సిలర్లు బొప్పరపు సత్యవతి, ప్రకాష్ గౌడ్, నాయకులు తదితరులు పాల్గొన్నారు.
