తెలంగాణ రాష్ట్ర మార్కుఫెడ్ ఆధ్వర్యంలో పీఏసీఎస్ బోథ్ ద్వారా సోనాల మండల కేంద్రంలో ఏర్పాటు చేసిన మొక్కజొన్న కొనుగోలు కేంద్రాన్ని బోథ్ ఎమ్మెల్యే అనిల్ జాదవ్ బుధవారం ప్రారంభించారు. ఈ సందర్భంగా మొక్కజొన్న రైతును ఎమ్మెల్యే సన్మానించారు.
ఎమ్మెల్యే అనిల్ జాదవ్ మాట్లాడుతూ, రైతుల సమస్యలను పరిష్కరించేందుకు ప్రభుత్వం తక్షణమే జొన్న కొనుగోలు కేంద్రాలు ఏర్పాటు చేయాలని కోరారు. కొనుగోలు కేంద్రాలు ఏర్పాటు చేయకపోతే రైతులతో కలిసి ఆందోళన చేపడతామని ఆయన హెచ్చరించారు.
రైతుల సంక్షేమానికి ప్రభుత్వం కట్టుబడి ఉందని, వారి సమస్యలను త్వరగా పరిష్కరించాలని ఆయన అన్నారు. ప్రభుత్వ ఆదేశాల మేరకు నాణ్యమైన మొక్కజొన్నను కొనుగోలు చేస్తామని అధికారులు తెలిపారు.
రైతులందరూ ఈ కొనుగోలు కేంద్రాన్ని సద్వినియోగం చేసుకోవాలని సూచించారు. ఈ కార్యక్రమంలో మండల నాయకులు, కార్యకర్తలు పాల్గొన్నారు.
