చించాల గ్రామంలో తాగునీటి సమస్యకు పరిష్కారం: నూతన సర్పంచ్ చర్యలకు ప్రశంసలు

గ్రామంలోని 1వ, 3వ, 5వ, 7వ వార్డులలో తీవ్రంగా ఉన్న తాగునీటి సమస్యను గుర్తించిన సర్పంచ్, స్వయంగా ఆయా ప్రాంతాలను సందర్శించి సమస్యలను పరిశీలించారు. గ్రామస్థుల కష్టాలను అడిగి తెలుసుకుని, తక్షణమే పరిష్కారానికి చర్యలు చేపట్టారు.

సర్పంచ్ ఆదేశాల మేరకు, ఆయా వార్డులలో కొత్తగా త్రీ హెచ్‌పీ మోటార్లను ఏర్పాటు చేశారు. పాడైపోయిన నీటి పైపులను తొలగించి, వాటి స్థానంలో కొత్త పైపులను అమర్చారు. విద్యుత్ సరఫరా లేకపోయినా నిరంతరాయంగా నీరు అందేలా హ్యాండ్‌పంపులను కూడా మరమ్మతులు చేసి వినియోగంలోకి తెచ్చారు.

తాగునీటి సమస్య పరిష్కారంతో గ్రామస్థులు తీవ్ర సంతోషం వ్యక్తం చేశారు. దొడ్డికింద ప్రాంతంతో పాటు ఇతర కాలనీలలో కూడా నీటి ఎద్దడి తీరడంతో ప్రజలు ఊపిరి పీల్చుకున్నారు. తమ సమస్యను సత్వరమే పరిష్కరించిన సర్పంచ్‌ను గ్రామ ప్రజలు అభినందించారు. వారి కృషి గ్రామ అభివృద్ధికి దోహదపడుతుందని ఆశాభావం వ్యక్తం చేశారు.

భవిష్యత్తులో గ్రామాభివృద్ధికి మరిన్ని చర్యలు చేపడతానని సర్పంచ్ దొడ్డికింది సర్వేశ్ తెలిపారు. గ్రామంలోని ఇతర పెండింగ్ సమస్యలను కూడా క్రమపద్ధతిలో పరిష్కరించడానికి కృషి చేస్తానని ఆయన హామీ ఇచ్చారు. గ్రామ ప్రజల సంక్షేమానికి తన వంతు కృషి చేస్తానని ఆయన పేర్కొన్నారు.