నటి దేవిప్రియ కారు ప్రమాదం: డ్రైవర్ మృతి, సహాయకుడికి గాయాలు

చెన్నై నుంచి తిరుచ్చి వైపు వెళ్తున్న దేవిప్రియ కారు పెరంబలూర్ వద్ద టైరు పంక్చర్ కావడంతో రోడ్డు పక్కన ఆపి టైరు మార్చేందుకు ప్రయత్నించారు. ఈ సమయంలో వేగంగా వచ్చిన గుర్తు తెలియని వాహనం కారును ఢీకొట్టింది.

ప్రమాదంలో డ్రైవర్ ముత్తు గణేశ్ అక్కడికక్కడే మరణించారు. నటి దేవిప్రియ తృటిలో తప్పించుకున్నారు. ఆమె సహాయకుడు దివాకర్ కు తీవ్ర గాయాలయ్యాయి.

ప్రమాదంపై కేసు నమోదు చేసుకున్న పోలీసులు దర్యాప్తు ప్రారంభించారు. ప్రమాదానికి కారణమైన వాహనం కోసం గాలింపు చర్యలు చేపట్టారు.

ఈ సంఘటనతో సినీ, బుల్లితెర రంగాల్లో విషాదం నెలకొంది. మరణించిన డ్రైవర్ కుటుంబానికి పలువురు సంతాపం తెలిపారు.