ఇష్టం లేని గర్భాన్ని కొనసాగించాలని మహిళలను, ముఖ్యంగా బాలికలను బలవంతం చేయలేమని సుప్రీంకోర్టు కీలక వ్యాఖ్యలు చేసింది. ఏడు నెలల గర్భాన్ని తొలగించుకునేందుకు 15 ఏళ్ల బాలికకు అనుమతిస్తూ అత్యున్నత న్యాయస్థానం ఈ మేరకు ఆదేశాలు జారీ చేసింది.
ఒక మహిళ, ముఖ్యంగా బాలిక, ఇష్టం లేకుండా గర్భాన్ని కొనసాగించాలని బలవంతం చేసే హక్కు ఏ న్యాయస్థానానికి లేదని సుప్రీంకోర్టు స్పష్టంచేసింది. పుట్టబోయే బిడ్డ కంటే, గర్భం కొనసాగించే విషయంలో ఆ మహిళ తీసుకునే నిర్ణయానికే ఎక్కువ ప్రాధాన్యం ఉంటుందని ధర్మాసనం పేర్కొంది.
ఇష్టం లేకుండా గర్భాన్ని కొనసాగిస్తే అది బాలిక మానసిక ఆరోగ్యం, విద్యావకాశాలు, సామాజిక స్థితిగతులపై తీవ్ర ప్రభావం చూపుతుందని న్యాయస్థానం అభిప్రాయపడింది. ఒక బిడ్డకు జన్మనిచ్చే విషయంలో నిర్ణయం తీసుకునే స్వేచ్ఛ ఆమెకు ఉండాలని నొక్కి చెప్పింది.
అవాంఛిత గర్భాన్ని కొనసాగించమని మహిళను ఒత్తిడి చేయడం రాజ్యాంగ హక్కుల ఉల్లంఘన కిందకు వస్తుందని సుప్రీంకోర్టు వ్యాఖ్యానించింది. ఈ నేపథ్యంలో, 15 ఏళ్ల బాలికకు ఏడు నెలల గర్భాన్ని తొలగించుకునేందుకు అనుమతిస్తూ ఆదేశాలు జారీ చేసింది.
