ఆదివాసీ ఉద్యమ నాయకుడు ఉయిక సంజీవ్ కుమార్తకు ఎమ్మెల్యే భోజ్జు పటేల్ ఆర్థిక సహాయం

1. ఉయిక సంజీవ్ కుమార్తకు చదువుల కోసం ₹50,000 ఆర్థిక సహాయం.
2. వెడ్మ భోజ్జు పటేల్ మాట ప్రకారం సహాయం అందజేత.
3. చదువుతో తల్లిదండ్రుల పేరు నిలబెట్టాలని సూచన.
4. అన్ని అంశాల్లో అండగా ఉంటానని ఎమ్మెల్యే భరోసా.

ఆదివాసీ ఉద్యమ నాయకుడు ఉయిక సంజీవ్ కుమార్తకు చదువుల కోసం ఖానాపూర్ ఎమ్మెల్యే వెడ్మ భోజ్జు పటేల్ ₹50,000 ఆర్థిక సహాయం అందజేశారు. కుటుంబ ఆర్థిక పరిస్థితుల దృష్ట్యా చదువు ఆగిపోకుండా సాయమందించిన ఎమ్మెల్యే, ఉన్నత స్థాయికి ఎదగాలని, తల్లిదండ్రుల పేరు నిలబెట్టాలని సూచించారు. ప్రతిభ కనబరుస్తూ భవిష్యత్తులో విజయాన్ని సాధించాలని ఆశీర్వదించారు.

ఆదివాసీ ఉద్యమ నాయకుడు ఉయిక సంజీవ్ ఇటీవల అనారోగ్యంతో మరణించగా, ఆయన కుటుంబానికి ఆర్థిక సమస్యలు తలెత్తాయి. ఈ పరిస్థితుల్లో ఆయన కుమార్తె చదువు ఆగిపోకుండా ఖానాపూర్ శాసనసభ్యులు వెడ్మ భోజ్జు పటేల్ తన వంతు సహాయం అందించారు. గురువారం ఆమెకు చదువుల కోసం రూ. 50,000 ఆర్థిక సహాయం అందజేశారు.

ఈ సందర్భంగా ఎమ్మెల్యే మాట్లాడుతూ, ఉయిక సంజీవ్ సమాజ సేవలో చేసిన కృషిని గుర్తుచేశారు. “మీ తండ్రి ఆశయాలను కొనసాగించడానికి మీరు చదువులో ప్రతిభ చూపాలి. ఉన్నత స్థాయికి ఎదిగి తల్లిదండ్రుల పేరు నిలబెట్టాలి” అని ఆయన అన్నారు.

ఆర్థిక సహాయం అందించిన సందర్భంగా, “మీరు చదువులో ముందుకెళ్లడమే మీ తండ్రికి నిజమైన గౌరవం. నేను మీకు అన్ని విధాలా అండగా ఉంటాను. అధైర్యపడకండి” అని భోజ్జు పటేల్ చెప్పిన మాటలు యువతకు ఆదర్శప్రాయంగా నిలిచాయి.