- రాష్ట్ర ఐటీ, పరిశ్రమల శాఖ మంత్రి శ్రీధర్ బాబు కడెం ప్రాజెక్టు సందర్శన.
- భారీ వర్షాల కారణంగా ప్రాణ, ఆస్తి నష్టం జరగకుండా అధికారులు చర్యలు తీసుకోవాలని సూచన.
- ఖానాపూర్, దస్తురాబాద్, పెంబి మండలాలలో అధిక వర్షపాతం నమోదు.
నిర్మల్ జిల్లాలో కురుస్తున్న భారీ వర్షాల కారణంగా ప్రాణ, ఆస్తి నష్టం జరగకుండా అధికారులను చర్యలు తీసుకోవాలని రాష్ట్ర ఐటీ, పరిశ్రమల శాఖ మంత్రి శ్రీధర్ బాబు సూచించారు. కడెం ప్రాజెక్టు పర్యవేక్షణ సందర్భంగా, శిథిలమైన ఇండ్లలో నివసిస్తున్న వారిని సురక్షిత ప్రాంతాలకు తరలించాలని, ప్రజలకు ఎలాంటి ఇబ్బందులు లేకుండా కంట్రోల్ రూమ్ ఏర్పాటు చేసినట్లు జిల్లా కలెక్టర్ తెలిపారు.
నిర్మల్ జిల్లాలో భారీ వర్షాలు కారణంగా ఏర్పడిన పరిస్థితులను సమీక్షించడానికి రాష్ట్ర ఐటీ, పరిశ్రమల శాఖ మంత్రి శ్రీధర్ బాబు సోమవారం రాత్రి కడెం ప్రాజెక్టును సందర్శించారు. ఈ సందర్శనలో జిల్లా కలెక్టర్ అభిలాష అభినవ్, ఎస్పీ జానకి షర్మిల, ఖానాపూర్ శాసనసభ్యులు వెడ్మ బొజ్జు పటేల్ లు కూడా పాల్గొన్నారు.
ప్రాజెక్టులోని వరద నీటి ప్రవాహాన్ని, ఇన్ ఫ్లో, అవుట్ ఫ్లో వివరాలను ఇంజనీరింగ్ అధికారుల నుండి అడిగి తెలుసుకున్నారు. మంత్రి శ్రీధర్ బాబు మాట్లాడుతూ, వర్షాల కారణంగా ప్రాణ, ఆస్తి నష్టం జరగకుండా అధికారులు తగిన చర్యలు తీసుకోవాలని సూచించారు. ముఖ్యంగా శిథిలమైన ఇండ్లలో నివసిస్తున్న వారిని సురక్షిత ప్రాంతాలకు తరలించడంపై దృష్టి పెట్టాలని సూచించారు.
నిర్మల్ జిల్లాలోని ఖానాపూర్, దస్తురాబాద్, పెంబి మండలాలలో అధిక వర్షపాతం నమోదు కావడంతో, నదీ పరివాహక ప్రాంతాల ప్రజలను అప్రమత్తం చేసి, సురక్షిత ప్రాంతాలకు తరలించాలని సూచించారు. జిల్లా కలెక్టర్, వర్షాల కారణంగా ప్రజలకు ఎలాంటి ఇబ్బందులు తలెత్తకుండా కంట్రోల్ రూమ్ ఏర్పాటు చేసి, రెవెన్యూ, పోలీస్ అధికారులను అప్రమత్తం చేసినట్లు మంత్రికి వివరించారు.
చెరువులు, వాగుల సమీపంలో ప్రజలను వెళ్లకుండా, రోడ్లపై వాగులు ప్రవహిస్తున్న చోట్ల బారికేడ్ లు ఏర్పాటు చేసి, ప్రజలు, వాహనాలు వెళ్లకుండా జాగ్రత్తలు తీసుకున్నట్లు అధికారులు తెలిపారు.
