- మంత్రి సవిత వరద ప్రాంతాల్లో పర్యటన
- బోటు ద్వారా బాధితులను రక్షించిన మంత్రి
- నడుం లోతు నీటిలో బాధితుల పరామర్శ
- చంద్రబాబు స్ఫూర్తితో వైద్య సిబ్బందికి మార్గనిర్దేశం
- వరదల ప్రభావం ఉన్న గ్రామాల్లో పునరావాస కేంద్రాల పరిశీలన
మంత్రి సవిత వరద ప్రభావిత ప్రాంతాల్లో పర్యటిస్తూ, బాధితులకు భరోసా ఇచ్చారు. బోటులో వెళ్లి నడుం లోతు నీటిలో చిక్కుకున్న వారిని రక్షించారు. ఆమె మాటలు బాధితులకు ధైర్యాన్నిచ్చాయి. పునరావాస కేంద్రాలను పరిశీలించి, ప్రజలకు అవసరమైన సహాయం అందజేసేందుకు చర్యలు చేపట్టారు. వరదల కారణంగా ఏర్పడిన నష్టాన్ని అంచనా వేసి, నష్టపరిహారం అందిస్తామని ఆమె తెలిపారు.
కృష్ణా నది ఉగ్రరూపంతో ఉప్పొంగుతూ, పలు గ్రామాలను ముంచెత్తిన వేళ, మంత్రి ఎస్. సవిత తీవ్రంగా ప్రభావిత ప్రాంతాల్లో పర్యటించారు. వర్షాల కారణంగా ఎగువ నుంచి ఉధృతంగా వస్తున్న వరద నీరు అనేక గ్రామాలను ముంచేసింది. సీఎం చంద్రబాబునాయుడు సూచనల మేరకు మంత్రి సవిత ఈ వరద ప్రాంతాల్లో పర్యటించి, ప్రజలకు భరోసా ఇచ్చారు.
స్వయంగా బోటులో వెళ్లి నడుం లోతు వరద నీటిలో చిక్కుకున్న బాధితులను రక్షించడమే కాకుండా, వారికి పాలు, బిస్కట్లు వంటి ఆహార సరుకులు అందజేశారు. ముఖ్యంగా, చిన్నారులు, మహిళలను రక్షించడానికి ప్రత్యేక శ్రద్ధ వహించారు. సవితమాత్యులు పలువురు వైద్య సిబ్బందితో, అంగన్వాడీ కార్యకర్తలతో మాట్లాడి, క్షేత్ర స్థాయిలో సేవలను మెరుగుపరిచేందుకు మార్గనిర్దేశం చేశారు.
