- కడెం ప్రాజెక్టు 18 గేట్లు ఎత్తివేత
- ఎగువన కురుస్తున్న భారీ వర్షాల ప్రభావం
- ప్రాజెక్టు నుండి దిగువకు నీటి విడుదల
- తెలంగాణ వ్యాప్తంగా తుఫాన్ ప్రభావంతో భారీ వర్షాలు
: హైదరాబాద్: సెప్టెంబర్ 2, కడెం ప్రాజెక్టులో వరద ఉధృతి అధికంగా ఉండటంతో అధికారులు 18 గేట్లు ఎత్తి దిగువకు నీటిని విడుదల చేస్తున్నారు. ప్రాజెక్టు పూర్తి స్థాయి నీటిమట్టం 700 అడుగులు, ప్రస్తుతం 694.3 అడుగుల వద్ద ఉంది. తుఫాన్ ప్రభావంతో రాష్ట్రవ్యాప్తంగా భారీ వర్షాలు కురుస్తుండగా, ప్రభుత్వం అప్రమత్తమై కంట్రోలు రూములు ఏర్పాటు చేసింది.
సెప్టెంబర్ 2, హైదరాబాద్: కడెం
ప్రాజెక్టులో ఎగువ ప్రాంతాల్లో కురుస్తున్న భారీ వర్షాల కారణంగా వరద ఉధృతి పెరిగింది. ప్రాజెక్టు నీటిమట్టం 694.3 అడుగులు, 6.198 టీఎంసీలుగా ఉంది. వరద పరిస్థితులను దృష్టిలో పెట్టుకొని అధికారులు 18 గేట్లు ఎత్తి నీటిని దిగువకు వదులుతున్నారు.
ప్రాజెక్టు పూర్తి స్థాయి నీటిమట్టం 700 అడుగులు, 7.603 టీఎంసీలు ఉంటే, ప్రస్తుతం ఇన్ ఫ్లో 194039 క్యూసెక్కులు, అవుట్ ప్లో 249054 క్యూసెక్కులుగా ఉంది.
అరేబియా సముద్రంలో ఏర్పడిన అస్నా తుఫాన్ ప్రభావంతో తెలంగాణ వ్యాప్తంగా భారీ వర్షాలు కురుస్తున్నాయి. ఈ వర్షాల వల్ల కడెం ప్రాజెక్టు వద్ద వరద ఉధృతి మరింత పెరిగే అవకాశం ఉంది.
ప్రభుత్వం వాతావరణ శాఖ హెచ్చరికలతో అప్రమత్తమై, జిల్లాల్లోని కలెక్టరేట్లలో కంట్రోలు రూములు ఏర్పాటు చేయాలని ఆదేశాలు జారీ చేసింది. ఇరిగేషన్, హెల్త్ సిబ్బందికి సెలవులు రద్దు చేసి, ఎటువంటి ప్రమాదాలు జరగకుండా ముందు జాగ్రత్తలు తీసుకోవాలని సూచించింది.
