అభివృద్ధి జరగాలంటే రూలింగ్ పార్టీని గెలిపించండి… అట్ల పోతారెడ్డి

అభివృద్ధి జరగాలంటే రూలింగ్ పార్టీని గెలిపించండి… అట్ల పోతారెడ్డి

మనోరంజని తెలుగు టైమ్స్ – సారంగాపూర్, డిసెంబర్ 09

నిర్మల్ జిల్లా సారంగాపూర్ మండలం కౌట్ల బి గ్రామ పంచాయతీ సర్పంచ్ పదవికి ఈసారి ఎస్సీ జనరల్ రిజర్వేషన్ కేటాయించడంతో గ్రామంలో రాజకీయ వేడి నెలకొంది. స్థానిక కాంగ్రెస్ పార్టీ నాయకులు అట్ల పోతారెడ్డి తమ తరఫున కాసరం దీపక్ ను సర్పంచ్ అభ్యర్థిగా బలపరిచారు. గ్రామ ప్రజలను ఉద్దేశిస్తూ వారు మాట్లాడుతూ— గ్రామ అభివృద్ధి నిరంతరం కొనసాగాలంటే రూలింగ్ పార్టీ అభ్యర్థినే గెలిపించాలి” అని అభిప్రాయపడ్డారు.గతంలో చేసిన అభివృద్ధి పనులు చూసి సర్పంచ్ అభ్యర్థిగా పూర్తి స్థాయిలో మద్దతు తెలుపుతూ, గ్రామ ప్రజలు తమ అమూల్య ఓటు ఇచ్చి దీపక్ గెలిపించాలని కాంగ్రెస్ నాయకులు అభ్యర్థించారు. గ్రామంలో అభివృద్ధి కార్యక్రమాలకు పెద్దపీట వేస్తామని, ఆదర్శ గ్రామంగా మార్చేందుకు కృషి చేస్తామని వారు హామీ ఇచ్చారు.