తెలంగాణ ఆర్టీసీ బస్సుల్లో ఆన్లైన్ పేమెంట్లు ప్రవేశం

• టీఎస్ఆర్టీసీ కీలక ప్రకటన
• డిజిటల్ పేమెంట్ల అమలు
• చిల్లర సమస్యలకు పరిష్కారం
• 13,000 కొత్త మిషన్ల ఆర్డర్
• బస్సు పాసుల స్థానంలో డిజిటల్ కార్డులు

తెలంగాణ ఆర్టీసీ బస్సుల్లో ఇకపై డిజిటల్ పేమెంట్లు అందుబాటులోకి రానున్నాయి. బస్సుల్లో చిల్లర సమస్యలకు పరిష్కారం కావడానికి ఆర్టీసీ ఈ డిజిటల్ విధానాన్ని ప్రవేశపెడుతోంది. మొత్తం 13,000 కొత్త మిషన్ల కోసం ఆర్డర్ ఇచ్చారు. దీనితో పాటు బస్సు పాసుల స్థానంలో డిజిటల్ కార్డులు ఇవ్వనున్నట్లు అధికారులు ప్రకటించారు.

తెలంగాణ రాష్ట్ర రోడ్డు రవాణా సంస్థ (టీఎస్ఆర్టీసీ) ప్రయాణికులకు ఒక కీలక ప్రకటన చేసింది. రాష్ట్రంలో అన్ని బస్సులలో కూడా డిజిటల్ పేమెంట్లు అందుబాటులోకి తీసుకురావాలని నిర్ణయించింది. ఈ నిర్ణయం ప్రయాణికులకు చిల్లర సమస్యలను పూర్తిగా తగ్గించే లక్ష్యంతో తీసుకున్నారు. పల్లె వెలుగు సహా అన్ని రకాల బస్సుల్లో ఈ విధానం అమలు చేయనున్నారు. డిజిటల్ పేమెంట్ల కోసం ప్రత్యేకమైన సాఫ్ట్ వేర్‌ను రూపొందించారు. ఆటోమేటిక్ ఫెయిర్ కలెక్షన్ సిస్టమ్ ద్వారా, టీఎస్ఆర్టీసీ కొత్త పేమెంట్ విధానాన్ని త్వరలోనే ప్రారంభించబోతుంది. ఈ సిస్టమ్ కోసం 13,000 కొత్త మిషన్లకు ఆర్డర్లు ఇచ్చారు. అదనంగా, ఇప్పటి వరకు బస్సుల్లో అందుతున్న పాసులను డిజిటల్ కార్డులతో భర్తీ చేయనున్నారు.