బాధిత బాలుడికి రూ.2.50 లక్షల సీఎం సహాయనిధి మంజూరు

గోవింద్‌పేట్ గ్రామానికి చెందిన రోహిత్ రానా అనే బాలుడు అనారోగ్యంతో బాధపడుతూ, హైదరాబాద్‌లోని నిమ్స్ ఆసుపత్రిలో చికిత్స పొందుతున్నాడు. బాలుడి పరిస్థితిని తెలుసుకున్న కాంగ్రెస్ నాయకులు, ఆర్మూర్ నియోజకవర్గ కాంగ్రెస్ పార్టీ ఇంచార్జ్ ప్రొద్దుటూరి వినయ్ కుమార్ రెడ్డిని సంప్రదించారు.

వినయ్ కుమార్ రెడ్డి వెంటనే స్పందించి, ముఖ్యమంత్రి సహాయనిధి కింద రూ.2,50,000 విలువైన LOC కాపీని మంజూరు చేయించారు. ఈ ప్రక్రియలో నిజామాబాద్ జిల్లా ఇంచార్జి మంత్రి ధనసరి అనసూయ సీతక్క సహకారం కూడా ఉంది.

హైదరాబాద్‌లోని జూబ్లీహిల్స్‌లో గల తన కార్యాలయంలో, ప్రొద్దుటూరి వినయ్ కుమార్ రెడ్డి స్వయంగా బాధిత కుటుంబ సభ్యులకు ఈ LOC కాపీని అందజేశారు. ఈ ఆర్థిక సాయం తమకు ఎంతో ఆసరాగా ఉంటుందని కుటుంబ సభ్యులు తెలిపారు.

ప్రభుత్వం అందించిన ఈ సహాయానికి గాను, ప్రొద్దుటూరి వినయ్ కుమార్ రెడ్డికి, మంత్రి ధనసరి అనసూయ సీతక్కకు బాధిత కుటుంబ సభ్యులు ప్రత్యేక కృతజ్ఞతలు తెలియజేశారు. బాలుడికి మెరుగైన వైద్యం అందించేందుకు ఈ సాయం ఉపయోగపడుతుందని ఆశాభావం వ్యక్తం చేశారు.