మిర్యాలగూడలో లింగబాచ్య గుడి నిర్మాణానికి సన్నాహాలు: త్వరలో శంకుస్థాపన

మిర్యాలగూడ పట్టణ సమీపంలోని ప్రకాష్ నగర్ లో గల లింగాబాచ్య దేవాలయం వద్ద నిర్మాణ కమిటీ సభ్యులను శనివారం ఎన్నుకున్నారు. గిరిజనులు ఆరాధ్యంగా పూజించే ఈ దేవాలయ నిర్మాణానికి త్వరలో శంకుస్థాపన చేయనున్నట్లు కమిటీ సభ్యులు తెలిపారు.

ఉమ్మడి నల్లగొండ జిల్లాతో పాటు రంగారెడ్డి, వరంగల్, మహబూబాబాద్, ఖమ్మం, గుంటూరు జిల్లాలకు చెందిన పూజారులు ఈ దేవాలయ నిర్మాణ కమిటీలో సభ్యులుగా ఉంటారు. వచ్చే నెలలో దేవాలయ నిర్మాణానికి శంకుస్థాపన చేసేందుకు ప్రణాళికలు సిద్ధం చేస్తున్నారు.

దేవాలయ నిర్మాణానికి భక్తులు ఉదారంగా విరాళాలు ఇచ్చి ఆదుకోవాలని కమిటీ సభ్యులు విజ్ఞప్తి చేశారు. భక్తుల సహకారంతో నిర్మాణ పనులు సకాలంలో పూర్తి చేయాలని ఆశిస్తున్నారు. ఈ మేరకు భోగ్ బండారు కార్యక్రమం నిర్వహించి పూజలు చేశారు.

ఈ కార్యక్రమంలో కౌన్సిలర్ ఆంగోతు చక్రి నాయక్, పలువురు మాజీ కౌన్సిలర్లు, గ్రామ పెద్దలు, మరియు పెద్ద సంఖ్యలో భక్తులు పాల్గొన్నారు. ఈ సమావేశం దేవాలయ నిర్మాణ ప్రక్రియకు మరింత ఊతమిచ్చింది.