లింగంపేటలో అయ్యప్ప స్వామి మహా పడి పూజ: భక్తుల సందోహం

లింగంపేట్ గ్రామంలోని నూతన అయ్యప్ప స్వామి దేవస్థానంలో నిర్వహించిన మహా పడి పూజలో భక్తులు పెద్ద సంఖ్యలో పాల్గొన్నారు. వారు అయ్యప్ప స్వామిని దర్శించుకుని ప్రత్యేక పూజలు చేశారు.

భజనలు, మంగళ వాద్యాల నడుమ జరిగిన ఈ పూజా కార్యక్రమం ఆధ్యాత్మిక వాతావరణాన్ని సృష్టించింది. దేవాలయ ప్రాంగణం భక్తులతో నిండిపోయి పండుగ వాతావరణాన్ని తలపించింది.

ఈ కార్యక్రమంలో భాగంగా, గ్రామ సర్పంచ్ కౌడి రవి నాగిరెడ్డిపేట మాజీ జడ్పీటీసీ మనోహర్ రెడ్డి, గోపాల్‌పేట్ సర్పంచ్ వంశీ కృష్ణ గౌడ్, రిటైర్డ్ సీఈఓ జైపాల్ రెడ్డిలను సన్మానించారు.

గ్రామ పెద్దలు, మహిళలు, యువకులు, అయ్యప్ప భక్తులు పెద్ద సంఖ్యలో పాల్గొని కార్యక్రమాన్ని విజయవంతం చేశారు.