- బాసర శ్రీ జ్ఞాన సరస్వతి ఆలయంలో భక్తుల తాకిడి.
- క్రిస్మస్ సెలవుల నేపథ్యంలో విద్యార్థులు పెద్ద సంఖ్యలో తరలివస్తున్నారు.
- గోదావరిలో పుణ్యస్నానం అనంతరం అమ్మవారి ప్రత్యేక దర్శనం.
- భక్తుల కోలాహలం, పూజా కార్యక్రమాలకు ఉత్సాహం.
తెలంగాణ రాష్ట్రంలోని ప్రసిద్ధ జ్ఞాన సరస్వతి ఆలయంలో క్రిస్మస్ సెలవుల కారణంగా భక్తుల రద్దీ నెలకొంది. మహారాష్ట్ర, ఆంధ్రప్రదేశ్, తెలంగాణ, మధ్యప్రదేశ్ రాష్ట్రాల నుంచి భక్తులు తరలివచ్చారు. గోదావరిలో పుణ్యస్నానం ఆచరించి, అమ్మవారి దర్శనానికి భక్తులు ప్రత్యేక క్యూ లైన్లలో నిలిచారు. పూజా కార్యక్రమాలు, అక్షరాభ్యాసాలు నిర్వహించారు. చిన్నారులు ఆటవస్తువులు, తినుబండారాలతో ఉత్సాహంగా గడిపారు.
తెలంగాణ రాష్ట్రంలోని ప్రసిద్ధ చతుల తల్లి క్షేత్రం బాసర శ్రీ జ్ఞాన సరస్వతి అమ్మవారి ఆలయంలో క్రిస్మస్ పండుగ సెలవుల నేపథ్యంలో భక్తుల రద్దీ భారీగా కనిపించింది. మూడు రోజులపాటు పాఠశాలలకు సెలవులుండడంతో విద్యార్థులు, వారి కుటుంబ సభ్యులు పెద్ద సంఖ్యలో తరలివచ్చారు.
మహారాష్ట్ర, ఆంధ్రప్రదేశ్, మధ్యప్రదేశ్, తెలంగాణ రాష్ట్రాల నుంచి భక్తులు రైలు, బస్సు మార్గాల ద్వారా కాకుండా తమ సొంత వాహనాల్లో ఆలయాన్ని సందర్శించారు. ముందుగా గోదావరి నదిలో పుణ్యస్నానం ఆచరించి, నది ఒడ్డున ఉన్న సురేశ్వర ఆలయాన్ని దర్శించుకున్నారు. ఆ తర్వాత జ్ఞాన సరస్వతి అమ్మవారి ఆలయంలో ప్రత్యేక పూజలు నిర్వహించారు.
అమ్మవారిని దర్శించడానికి భక్తులు ప్రత్యేక క్యూ లైన్లలో నిలిచారు. కొందరు చిన్నారులకు అక్షరాభ్యాసాలు నిర్వహిస్తుండగా, మరికొందరు సుప్రభాత సేవలో పాల్గొన్నారు. చిన్నారులకు తినుబండారాలు, ఆటవస్తువులు కొనుగోలు చేస్తూ ఎటుచూసినా భక్తుల కోలాహలం కనిపించింది.
