- వరంగల్ జిల్లా చెరువుకొమ్ము తండాలో సర్పంచ్ ఏకగ్రీవంగా ఎన్నిక
- దరావత్ బాలాజీ ఊరిలో బొడ్రాయి పండగకు సొంతగా ఖర్చు చేస్తానని హామీ
- ఇంటింటికి రూ. 1000 చొప్పున పంచి, గుళ్ల నిర్మాణానికి విగ్రహాలు పెడతానని వాగ్దానం
- గ్రామస్తులతో అగ్రిమెంట్: హామీలు నెరవేర్చకపోతే రూ.50 లక్షల జరిమానా
- పనుల పూర్తి చేసిన తర్వాతే నామినేషన్ వేయాలన్న ఒప్పందం
వరంగల్ జిల్లా చెరువుకొమ్ము తండాలో సర్పంచ్ ఎన్నికల ముందు దరావత్ బాలాజీ, సొంత ఖర్చుతో గ్రామంలో బొడ్రాయి పండగ నిర్వహించి, గుళ్ల నిర్మాణం చేస్తానని హామీ ఇచ్చాడు. ఈ హామీపై గ్రామస్థులతో అగ్రిమెంట్ చేసుకొని ఏకగ్రీవంగా ఎన్నికయ్యాడు. మాట తప్పితే రూ.50 లక్షల జరిమానా విధించాలని ఒప్పందంలో రాయడం గమనార్హం.
తెలంగాణ రాష్ట్రం వరంగల్ జిల్లా చెరువుకొమ్ము తండాలో సర్పంచ్ ఎన్నికలు ఆసక్తికరంగా మలుపు తిప్పాయి. దరావత్ బాలాజీ అనే వ్యక్తి సొంత ఖర్చుతో ఊరికి బొడ్రాయి పండగ నిర్వహించడంతోపాటు, గ్రామంలో పోచమ్మతల్లి, ఆంజనేయుడి గుళ్లు కట్టిస్తానని, విగ్రహాలు ఏర్పాటు చేస్తానని గ్రామస్థులకు హామీ ఇచ్చాడు. ఈ కార్యక్రమం కోసం ఇంటింటికి రూ.1000 చొప్పున పంచుతానని కూడా ప్రకటించాడు.
తన మాట ప్రకారం, గ్రామస్థులందరితో అగ్రిమెంట్ చేసుకున్నాడు. ఈ ఒప్పందంలో బాలాజీ చెప్పిన హామీలను గడువులోగా పూర్తి చేస్తేనే తన ఇంటి నుంచి నామినేషన్ వేయాలని పేర్కొన్నారు. ఒకవేళ హామీలను నెరవేర్చకపోతే, బాలాజీ రూ.50 లక్షల జరిమానా చెల్లించాల్సి ఉంటుందని అగ్రిమెంట్‌లో రాసుకున్నారు. ఈ ఒప్పందంపై ఇరుపక్షాల వారు సంతకాలు చేశాక, గ్రామంలో వేడుకలు జరిపారు.
