- మహీంద్రా వ్యాన్, ద్విచక్ర వాహనం మధ్య ఎదురెదురుగా ఢీ
- ద్విచక్ర వాహన చోదకుడు రాజారాం అక్కడికక్కడే మృతి
- మరొకరికి తీవ్ర గాయాలు
- కుబీర్ మండలంలో ఘటన
నిర్మల్ జిల్లా కుబీర్ మండలంలో సోమవారం మహీంద్రా వ్యాన్, ద్విచక్ర వాహనం మధ్య జరిగిన ఢీకొన్న ప్రమాదంలో పల్సి గ్రామానికి చెందిన రాజారాం అక్కడికక్కడే మృతి చెందాడు. మరొకరికి తీవ్ర గాయాలయ్యాయి. కుబీర్ పోలీసులు సంఘటనా స్థలానికి చేరుకుని విచారణ ప్రారంభించారు.
నిర్మల్ జిల్లా కుబీర్ మండల కేంద్రం సమీపంలో సోమవారం ఘోర రోడ్డు ప్రమాదం చోటుచేసుకుంది. మహీంద్రా వ్యాన్, ద్విచక్ర వాహనం మధ్య ఎదురెదురుగా ఢీ కొన్న ఘటనలో పల్సి గ్రామానికి చెందిన రాజారాం అక్కడికక్కడే మృతి చెందాడు. అతని తోడుగా ఉన్న పరుశురాం తీవ్ర గాయాలపాలయ్యాడు. స్థానికుల సమాచారం ప్రకారం, వీరిద్దరూ కుబీర్ పట్టణానికి పని నిమిత్తం వెళ్తుండగా ఈ ప్రమాదం జరిగింది. సమాచారం అందుకున్న పోలీసులు సంఘటనా స్థలానికి చేరుకొని కేసు నమోదు చేసి దర్యాప్తు ప్రారంభించారు. మృతదేహాన్ని బైంసా ఏరియా ఆసుపత్రికి తరలించారు.
