- టీడీపీ నేతల ప్రకారం తిరుమల లడ్డూలో జంతువుల కొవ్వు ఉన్నట్లు ల్యాబ్ రిపోర్ట్.
- వైసీపీ హయాంలో నెయ్యి టెండర్లపై తీవ్ర విమర్శలు.
- ల్యాబ్ రిపోర్ట్‌ను మీడియాకు విడుదల చేసిన టీడీపీ సీనియర్ నేత ఆనం వెంకటరమణారెడ్డి.
తిరుపతి లడ్డూ ప్రసాదంలో జంతువుల కొవ్వు ఉందని టీడీపీ ఆరోపిస్తోంది. NDDB CALF ల్యాబ్ రిపోర్ట్ ప్రకారం, లడ్డూ తయారీలో జంతు కొవ్వు వాడినట్లు నిర్ధారణైంది. టీడీపీ సీనియర్ నేత ఆనం వెంకటరమణారెడ్డి, వైసీపీ ప్రభుత్వంపై విమర్శలు గుప్పించారు. ఈ అంశంపై సీరియస్ ఎంక్వయిరీ చేయాలంటూ డిమాండ్ చేశారు.
తిరుమల శ్రీవారి లడ్డూ ప్రసాదం చుట్టూ వివాదం చెలరేగింది. టీడీపీ అధినేత చంద్రబాబు, వైసీపీ ప్రభుత్వ హయాంలో తిరుపతి లడ్డూ తయారీలో జంతు కొవ్వు వాడుతున్నారనే ఆరోపణలు చేసిన నేపథ్యంలో, NDDB CALF ల్యాబ్ విడుదల చేసిన రిపోర్ట్ దుమారాన్ని మరింత రేపుతోంది. లడ్డూ టెస్టింగ్ కోసం జులై 8, 2024న ల్యాబ్‌కు పంపించగా, జులై 17న ల్యాబ్ నుంచి నివేదిక విడుదలైంది. నివేదిక ప్రకారం, లడ్డూ తయారీలో సోయాబీన్, పత్తి గింజలు, చేప నూనె, జంతు కొవ్వు, పంది కొవ్వు వాడినట్లు వెల్లడించారు.
టీడీపీ సీనియర్ నేత ఆనం వెంకటరమణారెడ్డి, ఈ ల్యాబ్ రిపోర్ట్‌ను మీడియాకు అందజేశారు. ఈ వివాదంపై సీరియస్ ఎంక్వయిరీ చేయాలని డిమాండ్ చేశారు. వైసీపీ ప్రభుత్వం రూ.320కి నెయ్యి టెండర్లను ఇచ్చిందని, క్వాలిటీ నెయ్యి కొనాలంటే రూ.1000 పైగా ఖర్చవుతుందని ఆయన విమర్శించారు.
