జనగామ, 2026-06-05
జనగామ జిల్లా దుబ్బ తండాలో విషాదకర సంఘటన చోటు చేసుకుంది. మేత మేస్తున్న దుక్కిటేద్దును పాము కాటువేయడంతో అది మృతి చెందింది. ఈ ఘటనలో రైతు లక్ష రూపాయల మేర నష్టపోయారు.
జనగామ జిల్లాలోని దుబ్బ తండా గ్రామపంచాయతీ పరిధిలో, గుగులోత్ మూన్య కుమారుడు సర్యాకు చెందిన దుక్కిటేద్దు పాము కాటుతో మృతి చెందిన ఘటన శుక్రవారం చోటు చేసుకుంది. రోజు మాదిరిగా మేత మేసిన అనంతరం ఈ దుర్ఘటన జరిగినట్లు రైతు తెలిపారు.
రైతు ఆవేదన
మృతి చెందిన దుక్కిటేద్దు సుమారు లక్ష రూపాయల విలువ ఉంటుందని రైతు తెలిపారు. ప్రభుత్వం తమకు ఆర్థిక సహాయం అందించి ఆదుకోవాలని ఆయన ఆవేదన వ్యక్తం చేశారు.
స్థానికుల విజ్ఞప్తి
ఈ ఘటనపై స్పందించిన స్థానికులు, ప్రభుత్వం బాధిత రైతుకు తగిన ఆర్థిక సహాయం అందించాలని కోరారు.
