- అడిషనల్ ఎస్పీ రాజేష్ మీనా సారంగాపూర్ పోలీస్ స్టేషన్ సందర్శన
- సి.సి కెమెరాలను ప్రారంభించిన అధికారులు
- గ్రామాల్లో సి.సి కెమెరా అవసరాన్ని వివరించిన అధికారులు
నిర్మల్ జిల్లా అడిషనల్ ఎస్పీ రాజేష్ మీనా శుక్రవారం సారంగాపూర్ పోలీస్ స్టేషన్‌ను సందర్శించారు. పోలీసు సిబ్బందిని దిశానిర్దేశం చేయడంతో పాటు వైకుంఠపూర్ గ్రామంలో నూతనంగా ఏర్పాటు చేసిన నాలుగు సి.సి కెమెరాలను ప్రారంభించారు. గ్రామస్తులతో సమావేశంలో మాట్లాడుతూ, నేరాల నియంత్రణకు సి.సి కెమెరాలు ఎంతగానో ఉపయుక్తమని తెలిపారు.
నిర్మల్ జిల్లా అడిషనల్ ఎస్పీ రాజేష్ మీనా శుక్రవారం సారంగాపూర్ పోలీస్ స్టేషన్‌ను సందర్శించారు. స్టేషన్ పరిసరాలను పరిశీలించిన అనంతరం, పోలీస్ సిబ్బందిని సమీక్షించి విధులు నిర్వహణలో నిర్లక్ష్యం వహించవద్దని స్పష్టంగా చెప్పారు.
అనంతరం సారంగాపూర్ మండలంలోని వైకుంఠపూర్ గ్రామంలో వీడిసి వారు ఏర్పాటు చేసిన నాలుగు సి.సి కెమెరాలను నిర్మల్ రూరల్ సీఐ రామకృష్ణతో కలిసి ప్రారంభించారు. ఈ సందర్భంగా గ్రామస్తులతో జరిగిన సమావేశంలో రాజేష్ మీనా మాట్లాడుతూ, “సి.సి కెమెరాలు నేరాల నియంత్రణకు, పరిశోధనకు కీలక పాత్ర పోషిస్తాయి. ప్రతి గ్రామం ఇలా సి.సి కెమెరాలను ఏర్పాటు చేసుకోవాలని ప్రజలు ముందుకు రావాలి” అని అభిప్రాయపడ్డారు.
ఇట్టి కార్యక్రమంలో నిర్మల్ రూరల్ సీఐ రామకృష్ణ, సారంగాపూర్ ఎస్‌ఐ శ్రీకాంత్, సిబ్బంది ఆకాష్, రమణ, రాజగౌడ్ పాల్గొన్నారు. గ్రామస్తులు సైతం ఈ కార్యక్రమానికి హాజరై సి.సి కెమెరాల అవసరంపై అవగాహన పొందారు.
