- రహదారుల మరమ్మతులకు రూ.290 కోట్ల ప్రణాళిక
- మొదటి దశలో 7071 కి.మీ మేర 1393 రహదారుల పునరుద్ధరణ
- వరదల కారణంగా దెబ్బతిన్న రోడ్లకు రూ.186 కోట్లు విడుదల
- SRM వర్సిటీలో రహదారుల నిర్వహణపై వర్క్ షాప్
రాష్ట్రంలో ధ్వంసమైన రహదారులను పునరుద్ధరించేందుకు రాష్ట్ర ప్రభుత్వం రూ.290 కోట్లతో ప్రణాళికను సిద్ధం చేసింది. మొదటి దశలో 7071 కి.మీ మేర 1393 రహదారులను గుంతల రహిత రహదారులుగా మార్చేందుకు చర్యలు చేపట్టారు. వరదల కారణంగా దెబ్బతిన్న రహదారుల పునరుద్ధరణకు అదనంగా రూ.186 కోట్లను విపత్తు నివారణ నిధి ద్వారా విడుదల చేశారు.
అమరావతి: రాష్ట్రంలో మెరుగైన రహదారుల నిర్మాణానికి ప్రభుత్వం ప్రత్యేక శ్రద్ధ వహిస్తోంది. రహదారుల మరమ్మతులకు మొత్తం రూ.290 కోట్ల ప్రణాళికను సిద్ధం చేసినట్లు రహదారులు మరియు భవనాల శాఖ మంత్రి బీసీ జనార్థన్ రెడ్డి తెలిపారు. ఈ ప్రణాళిక కింద మొదటి దశలో 1393 రహదారులు, 7071 కి.మీ మేరకు పునరుద్ధరణ చేపడతామని వివరించారు. వరదల వల్ల నష్టపోయిన రహదారుల పునరుద్ధరణకు రూ.186 కోట్లను రాష్ట్ర విపత్తు నివారణ నిధి ద్వారా విడుదల చేశారు.
“రహదారుల నిర్వహణ, పునరుద్ధరణలో SRM వర్సిటీ సివిల్ ఇంజినీర్లు పూర్తిస్థాయి సహకారం అందిస్తారని” మంత్రి తెలిపారు. AP-SRM యూనివర్సిటీలో రోడ్లు భవనాల శాఖ ఆధ్వర్యంలో జరిగిన వర్క్ షాప్‌లో రోడ్ల నిర్వహణపై శాస్త్రీయ పరిశోధనలు, సరికొత్త టెక్నాలజీ వినియోగం వంటి అంశాలపై చర్చించారు. ఈ వర్క్ షాప్‌లో సెంట్రల్ రోడ్ రీసెర్చ్ ఇనిస్టిట్యూట్ డైరెక్టర్ ప్రొఫెసర్ మనోరంజన్ పారిడా, SRM వర్సిటీ వైస్ ఛాన్సలర్ ఆచార్య మనోజ్ కుమార్ అరోరా తదితరులు పాల్గొన్నారు.
